Pune Crime: कात्रज घाटामध्ये गोळीबाराचा थरार, जखमी व्यक्तीनेच रचला बनाव; धक्कादायक माहिती उघड

Katraj Ghat Shooting News: कात्रज भागात पोलीस पेट्रोलिंग करत असताना त्यांना कात्रज घाटामध्ये एक व्यक्ती जखमी अवस्थेत आढळून आला होता. या व्यक्तीने स्वत:वर गोळी झाडून आत्महत्येचा प्रयत्न केला होता.
Pune Crime: कात्रज घाटामध्ये गोळीबाराचा थरार, जखमी व्यक्तीनेच रचला बनाव; धक्कादायक माहिती उघड
Katraj Ghat Shooting NewsSaam Tv
Published On

अक्षय बडवे, पुणे

पुण्यामध्ये गोळीबार झाल्याची घटना समोर आली आहे. पुण्यातल्या कात्रज घाटामध्ये सोमवारी रात्री ही गोळीबाराची घटना घडली आहे. दोघांवर गोळीबार झाल्याची माहिती समोर आली होती. पण पोलिस तपासातून धक्कादायक माहिती समोर आली आहे. गोळीबारमध्ये जखमी झालेल्या व्यक्तीने कर्जाला वैतागून स्वतःच हा डाव रचला. या घटनेमध्ये जखमी झालेल्या व्यक्तीवर रुग्णालयामध्ये उपचार सुरू आहेत.

पोलिसांनी दिलेल्या माहितीनुसार, पुण्यातील भारती विद्यापीठ पोलिस स्टेशन हद्दीमध्ये मंगळवारी रात्री १० वाजताच्या दरम्यान ही गोळीबाराची घटना घडली. कात्रज भागात पोलीस पेट्रोलिंग करत असताना त्यांना कात्रज घाटामध्ये एक व्यक्ती जखमी अवस्थेत आढळून आला होता. दीपक राजू लकड (वय 42) असे या जखमी झालेल्या व्यक्तीचे नाव आहे.

Pune Crime: कात्रज घाटामध्ये गोळीबाराचा थरार, जखमी व्यक्तीनेच रचला बनाव; धक्कादायक माहिती उघड
Pune News : कुख्यात गुंडांची हत्या, पोर्श अपघात, पूजा खेडकर; २०२४ मध्ये विद्येचं माहेरघर या घटनांनी हादरलं!

उपचाराकरिता दीपक लकड यांना पोलिसांनी ससून रुग्णालय येथे दाखल केले. पोलिसांनी चौकशी केली असता दीपक लकडने पोलिसांना माहिती दिली की, त्यांना २ व्यक्तींनी कात्रज घाटात नेऊन त्यांच्याकडून जबरदस्तीने पैसे घेऊन त्यांच्यावर गोळीबार केला. या घटनेबाबत पोलिसांनी सीसीटीव्ही फुटेज तपास करून तसेच तांत्रिक माहितीच्या आधारे अधिक तपास केला असता धक्कादायक माहिती समोर आली.

Pune Crime: कात्रज घाटामध्ये गोळीबाराचा थरार, जखमी व्यक्तीनेच रचला बनाव; धक्कादायक माहिती उघड
Maval Crime : तळेगाव एमआयडीसीमधून तीन बांगलादेशी घुसखोर ताब्यात; सहा महिन्यांपासून होते वास्तव्यास

दीपक लकड यांच्यावर कोणी गोळीबार केला नसल्याचे तपासातून समोर आले. त्यांनी सदरची घटना स्वतःहून घडवून आणली. त्यांच्यावर कर्ज असल्यामुळे कर्जाला कंटाळून त्यांनी स्वतः आत्महत्या करण्याचा प्रयत्न केला असल्याचे तपासात समोर आले. पोलिसांकडून अधिक तपास सुरू आहे. दिपक लकड यांच्या छातीमध्ये गोळी अडकली आहे. पोलिसांनी घटनास्थळावरून पिस्तूल जप्त केली आहे. अधिक तपास पोलिसांकडून सुरू आहे.

Pune Crime: कात्रज घाटामध्ये गोळीबाराचा थरार, जखमी व्यक्तीनेच रचला बनाव; धक्कादायक माहिती उघड
Pune Crime: शिक्षक की हैवान! शिक्षकांकडून विद्यार्थ्यांचा छळ, शौचालय साफ करायला लावलं नंतर..

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com