Maval Crime : तळेगाव एमआयडीसीमधून तीन बांगलादेशी घुसखोर ताब्यात; सहा महिन्यांपासून होते वास्तव्यास

मावळ : राज्यातील वेगवेगळ्या भागात सध्या बांग्लादेशींना ताब्यात घेतले जात असल्याची कारवाई केली जात आहे. तर आता मावळ तालुक्यातील तळेगाव एमआयडीसी परिसरातील नवलाख उंबरे गावातून तीन बांगलादेशी नागरिकांना पकडण्यात आले आहे. पोलिसांनी यांना ताब्यात घेत चौकशी करत आहेत.

मावळ तालुक्यातील तळेगाव एमआयडीसी परिसरातील नवलाख उंबरे येथे मागील सहा महिन्यांपासून हे बांगलादेशी नागरिक वास्तव्यास होते. नवलाख उंबरे याठिकाणी मोठ्या प्रमाणात मुस्लिम लोक राहत असल्याची तक्रार तळेगाव एमआयडीसी पोलिसांकडे आली होती. त्यानंतर पोलिसांनी या ठिकाणी तपास केला असता त्यांना हे तीन बांग्लादेशी इसम आढळून आले. या इसमाकडे कागदपत्रांची पडताळणी केली असता त्यांच्याकडे बांग्लादेश मधील रहिवासी पुरावे मिळून आले. 

आधार आणि पॅन कार्डही आढळले 

त्यानंतर पोलिसांनी या तिघांना बेड्या ठोकल्या आहेत. हुसेन शेख, मोनिरुल गाठी, अमीरुल साना अशी अटक करण्यात आलेल्या बांगलादेशी इसमांची नावे आहेत. ताब्यात घेण्यात आलेल्या तिघांकडे आधार कार्ड व पॅन कार्ड देखील सापडून आले आहे. अर्थात सहा महिन्यांपासून वास्तव्यास असताना या बांगलादेशी इसमांना भारतीय आधार कार्ड व पॅन कार्ड कोणी दिले; याबाबतचा तपास तळेगाव एमआयडीसी पोलीस ठाण्याचे वरिष्ठ पोलीस निरीक्षक रणजित जाधव करत आहेत.

पोलिसांनी रेतीचे सात ट्रॅक्टर पकडले
भंडारा : भंडारा जिल्ह्याील तुमसर तालुका रेती तस्करांसाठी प्रमुख केंद्र ठरत आहे. जिल्ह्यातील नव्हे तर लगतच्या प्रदेशातील रेती तस्करांचा तुमसर तालुक्यात मोठा धुमाकूळ आहे. रेती तस्करांचा सर्वसामान्य नारिकासह शेतकऱ्यांना मोठा फटका बसत आहे. स्थानिक गुन्हे शाखेचे पोलीस पथक गोबरवाही पोलीस स्टेशन हद्दीत आलेसूर शिवारात गस्तीवर असताना बावनथडी नदीपात्रातून रेतीचा उपसा करून रेतीची चोरटी वाहतूक करणाऱ्या सात ट्रॅक्टरवर जप्तीची कारवाई केली. कारवाईत पोलिसांनी ३५ लाख १६ हजारांचा मुद्देमाल जप्त करून सात ट्रॅक्टर चालक व मालक यांचेविरूध्द गोबरवाही पोलिसात गुन्हा दाखल केला आहे.