PM Modi : पंतप्रधान नरेंद्र मोदींविरोधात सोशल मीडियावरून आक्षेपार्ह भाषा वापरणे महागात पडलं, तरुणाविरोधात गुन्हा दाखल

अक्षय बडवे

Pune News :

पंतप्रधान नरेंद्र मोदी यांना सोशल मीडियावरून अश्लील भाषेत शिवीगाळ केल्याप्रकरणी पुण्यात गुन्हा दाखल करण्यात आला आहे. पंतप्रधान नरेंद्र मोदी यांच्यासह हिंदू देव-देवतांच्याबाबत अश्लील आणि अर्वाच्य भाष्य वापरल्याप्रकरणी गुन्हा दाखल करण्यात आला आहे.

पुण्यातील लोणीकंद पोलीस ठाण्यात ३१ वर्षीय तरुणाच्या विरोधात ही कारवाई कारण्यात आली आहे. रवींद्र पडवळ यांनी याप्रकरणी पोलीस ठाण्यात फिर्याद दिली आहे. सागर सावंत असे गुन्हा दाखल केलेल्या आरोपीचे नाव आहे. (Latest Marathi News)

मिळालेल्या माहितीनुसार, आरोपीने फिर्यादी यांचा बुदमध्ये राहणारा मित्र सुजित खेडकर याच्या Instagram वर शेयर केलेल्या पोस्टला उत्तर देताना पंतप्रधान नरेंद्र मोदी तसेच हिंदू देव-देवतांच्या विषयी खालच्या पातळीची आणि अश्लील भाषा वापरली. धार्मिक भावना दुखावल्या म्हणून आरोपीवर गुन्हा दाखल करण्यात आला आहे.  (Political News)