Pune Crime: होणाऱ्या नवऱ्यासोबत रात्री घराबाहेर पडली, वाटेत गुंडांनी अडवले अन्....

Woman harassment Pune Crime Case: पुण्यातील वानवडीत एका तरूणीसोबत विनयभंगाचा प्रकार घडला आहे. या प्रकरणी पोलिसांनी आरोपीला ताब्यात घेतलं आहे.
crime update
crime updatesaam tv
Published On

अक्षय बडवे, साम टीव्ही

स्वारगेट बस डेपोत शिवशाही बसमध्ये झालेल्या बलात्कार प्रकरणानंतर पुण्यातील वातावरण तापलंय. आता विनयभंगाच्या प्रकरणामुळे पुणे पुन्हा एकदा हादरलं आहे. वानवडी पोलीस ठाण्याच्या हद्दीत एका तरूणीसोबत विनयभंगाचा प्रकार घडला आहे. पीडित तरूणी वैयक्तिक कामानिमित्त होणाऱ्या नवऱ्यासोबत घराबाहेर पडली होती. यादरम्यान, आरोपीने अडवले आणि तरूणीचा विनयभंग केला. या प्रकरणी पोलिसांनी आरोपीला अटक केली आहे.

२ मार्चला वानवडीत तरूणी आपल्या होणाऱ्या नवऱ्यासोबत घराबाहेर पडली होती. वैयक्तिक कामानिमित्त ती घराबाहेर पडली असल्याचं तिनं सांगितलं. रस्त्यावरून जात असताना अचानक आरोपी राहुल तिथे पोहोचला. त्याने काहीही कारण नसताना तरूणीची वाट अडवली. त्यावेळी तरूणीसोबत तिचा होणारा नवराही उपस्थित होता. आरोपी तरूणीला शिवीगाळ करू लागला.

crime update
Shocking Crime: लंडनहून आलेल्या नवऱ्याला संपवले; डोकं, हात, पाय तोडले, १५ तुकडे ड्रममध्ये लपवले; बायकोचा कट

तरूणीच्या होणाऱ्या नवऱ्यानं त्याला शिवीगाळ करू नको, असे सांगितले. यानंतर संतापलेल्या आरोपीनं तरूणाला शिवीगाळ करत मारहाण करण्यास सुरूवात केली. तरूणीसोबतही गैरवर्तन करून दमदाटी केली. पीडित तरूणी घाबरली आणि दोघांनी तेथून पळ काढला.

दुसऱ्या दिवशी तरूणीनं वानवडी पोलीस ठाणे गाठले. तसेच आरोपीविरोधात गुन्हा दाखल केला. पोलीस आयुक्तांच्या सुचनेनुसार तपासासाठी विशेष पथकाची नेमणूक करण्यात आली. पोलिसांनी अवघ्या २ तासांत आरोपीला बेड्या ठोकल्या आहेत. त्याची चौकशी केली असता आरोपी सराईच गुन्हेगार असल्याची माहिती समोर आली आहे.

crime update
Kolhapur: 'गाव सोडून जा, नाहीतर पत्नीवर बलात्कार करायला सांगेन'; मेन्यू कार्डवरून भांडण, चौघांनी दोघांना लोखंडी रॉडनं फोडलं

पोलिसांनी आरोपीला ताब्यात घेत न्यायालयासमोर हजर केले. लष्कर न्यायालयात आरोपीविरोधात आरोपपत्र दाखल करण्यात आले. न्यायालयाने हे स्वीकारून आरोपीला न्यायालयीन कोठडी सुनावली आहे. अशी माहिती परिमंडळ पाचचे उपायुक्त डॉ. राजकुमार शिंदे यांनी दिली आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com