माणुसकीला काळिमा फासणारी घटना; दारु प्यायला पैसे न दिल्याने आईचा खून

पुणे – एका मुलाने दारु पिण्याच्या व्यसनामुळे दसऱ्याच्या दिवशी आईला हातातील कड्याने, सुरी आणि लाकडी दांडक्याने मारहाण करत तिचा खून केला आहे. सिंहगड रोड पोलिसांनी आईचा खून करणाऱ्या या मुलाला अटक केली आहे. सचिन कुलथे असे या आरोपीचे आहे. तर, विमल कुलथे असे मृत महिलेचे नाव आहे.

हे देखील पहा -

याप्रकरणी सिंहगड रोड पोलीस ठाण्यात अनिता चिंतामणी यांनी फिर्याद दिली आहे. दरम्यन, या घटनेबाबाद पोलिसांनी दिलेल्या माहितीनुसार, सचिनला दारु पिण्याचे व्यसन आहे. त्याच्या याच सवयीमुळे त्याची पत्नी त्याला एक वर्षापूर्वी सोडून गेली. सचिन गेल्या काही दिवसांपासून बेरोजगार होता. तो आईकडे नेहमी पैशाची मागणी करत असे.

दारुसाठी पैसे न दिल्याने दसऱ्याच्या दिवशी सचिनने आईला सुरीने व लाकडाच्या दांडक्याने मारहाण केल्याने तिचा मृत्यू झाला. त्यानंतर त्याने फिर्यादी बहिणीला याची माहिती दिली त्यानंतर ही घटना समोर आली. आईवर अंत्यसंस्कार केल्यानंतर अनिता चिंतामणी यांनी सिंहगड रोड पोलीस ठाण्यात याप्रकरणी फिर्याद दिली. घटनेनंतर आरोपी फरार झाला होता. मात्र, पोलिसांनी त्याला स्वामी नारायण मंदिराजवळ असणाऱ्या टेकडी परिसरातील जंगलातून ताब्यात घेतले आहे. पुढील तपास सिंहगड रोड पोलीस ठाण्याचे सहायक पोलीस निरीक्षक प्रशांत कणसे करीत आहेत.

Edited By - Shivani Tichkule