Junnar Crime: पाळत ठेवून घरात शिरले.. कुटूंबाला मारहाण करत चोरी; जुन्नर तालुक्यातील धक्कादायक प्रकार

Pune Crime News:

जुन्नर तालुक्यातील राजुरी येथे एकांतात असणा-या दोन घरांवर पाळत ठेवुन चोरट्यांनी हात साफ केल्याचा प्रकार समोर आला आहे. यावेळी कुटूंबालाही मारहाण करण्यात आल्याने परिसरात खळबळ उडाली आहे. (Crime News In Marathi)

याबाबत सविस्तर माहिती अशी की, राजुरी येथे सिताराम औटी आणि सुनील औटी यांच्या घरावर पाळत ठेवून चोरट्यांनी चोरी केली. मध्यरात्रीच्या सुमारास एकांत असलेल्या सिताराम औटी आणि सुनील औटी यांच्या घरात चोरट्यांनी प्रवेश केला. यावेळी कुटुंबाला मारहाण करत दागिने आणि मोबाईलची चोरी केली.

तसेच पाठलाग करुन नये म्हणून चोरट्यांनी घरासमोरील दुचाकीचेही नुकसान केले. या धक्कादायक घटनेने परिसरात एकच खळबळ उडाली आहे. या प्रकरणी आळेफाटा पोलिसांत अज्ञात चोरट्यांविरुद्ध गुन्हा दाखल करण्यात आला असून पोलीस याबाबतचा अधिक तपास करत आहेत. (Crime Story)

यवतमाळमधूनही (Yavatmal) चोरीचे प्रकरण समोर आले आहे. यवतमाळच्या मारेगावातील माधव व ओम नगरीतील 8 जणांच्या घरी घरफोडी केल्याची घटना मध्यरात्रीच्या सुमारास उघडकीस आली आहे.

पोळा सण व सलग सुट्ट्या असल्याने येथील माधव नगरी व ओम नगरी, शांती नगर येथील आपल्या मूळ गावी गेले होते. हीच संधी साधून चोरट्यांनी कुलूप तोडून हात साफ केला. एकाच रात्री आठ घरफोडी झाल्याने चोरट्यांना पकडण्याचे आव्हान पोलिसांसमोर उभे आहे. (Latest Marathi News)