Pune Crime News: अनैतिक संबंधातून दिरानेच वहिनीसह दोन पुतण्यांना जिवंत जाळलं, पुण्यातील मन सुन्न करणारी घटना

सचिन जाधव

Pune News : पुण्यातून मन सून्न करणारी घटना समोर आली आहे. अनैतिक सबंधातून महिलेसह तिच्या दोन लहानग्यांना जिवंत जाळल्याचा प्रकार समोर आला आहे. पुणे शहरातील कोंढवा परिसरातील पिसोळी भागात ही धक्कादायक घटना घडली आहे. बुधवारी मध्यरात्रीच्या सुमारास ही घटना घडल्याची माहिती आहे.

पुण्यातील या तिहेरी हत्याकांडात दिरानेच वहिनीसह तिच्या दोन मुलांची पेट्रोल टाकून जाळून हत्या केल्याची प्राथमिक माहिती पोलीस तपासात उघड झाली आहे. पोलिसांनी आरोपीला अटकही केली आहे. आरोपीने चारित्र्यावर संशय घेत अगोदर गळा दाबून जीव घेतला आणि नंतर पेटवून दिले असल्याची पोलिसांची माहिती आहे. (Latest Marathi News)

वैभव वाघमारे असे खून करणाऱ्या आरोपीचे नाव आहे तर अम्रपाली वाघमारे असे मयत महीलेचे नाव आहे. मृतांमध्ये चार वर्षांच्या मुलीला आणि पाच वर्षाच्या मुलाचा देखील समावेश आहे. घटनेनंतर परिसरात एकच खळबळ उडाली आहे. कोंढवा पोलीस याबाबत अधिक तपास करत आहेत. (Crime News)