Pune Crime News : निवडणुका संपताच पुण्यात कोयता गँगचा धुमाकूळ; नागरिकांना घरात घुसून मारहाण, वाहनेही फोडली

Pune Koyta Gang News : निवडणुका संपताच पुणे शहरात पुन्हा एकदा कोयता गँगने दहशत घालण्यास सुरुवात केली आहे. हपसरमधील रामटेकडी परिसरात वाहनांची तोडफोड करण्यात आली आहे.
निवडणुका संपताच पुण्यात कोयता गँगचा धुमाकूळ; नागरिकांना घरात घुसून मारहाण, वाहनेही फोडली
Pune Koyta Gang NewsSaam TV

निवडणुका संपताच पुणे शहरात पुन्हा एकदा कोयता गँगने दहशत घालण्यास सुरुवात केली आहे. हपसरमधील रामटेकडी परिसरात कोयता गँगच्या गुंडांनी रविवारी (ता. ९ जून) रात्री चांगलाच धुमाकूळ घातला. हातात कोयते घेऊन या गुंडांनी नागरिकांना थेट घरात घुसून बेदम मारहाण केली. इतकंच नाही, तर त्यांनी परिसरात उभ्या असलेल्या वाहनांची देखील तोडफोड केली.

निवडणुका संपताच पुण्यात कोयता गँगचा धुमाकूळ; नागरिकांना घरात घुसून मारहाण, वाहनेही फोडली
Pune Accident: भयंकर! कारच्या धडकेत गरोदर महिला हवेत फुटबॉलसारखी उडाली; घटनेचा थरार CCTV मध्ये कैद

यामुळे नागरिकांमध्ये भीतीचं वातावरण पसरलं आहे. कोयता गँगच्या गुंडांनी केलेल्या हल्ल्यात काही नागरिक जखमी झाले आहेत. पोलिसांनी तत्काळ या घटनेची दखल घेऊन कारवाई करावी, अशी मागणी केली जात आहे. विद्येचं माहेरघर म्हणून ओळखल्या जाणाऱ्या पुणे शहरात दिवसेंदिवस गुन्हेगारीच्या घटना वाढतच आहेत.

गुन्हेगारांना कायद्याचा धाक उरला की नाही? असा प्रश्न नागरिक उपस्थित करीत आहेत. लोकसभा निवडणुकीच्या काळात पुणे पोलिसांनी विशेष मोहिम राबवत कोयता गँगच्या गुंडांचा चांगलाच बंदोबस्त केला होता. हातात कोयते घेऊन रस्त्यावर धुमाकूळ काढणाऱ्या गुंडांची पोलिसांनी धिंड काढली होती.

इतकंच नाही, तर गंभीर गुन्हे असलेल्या गुंडांना तडीपार देखील करण्यात आलं होतं. त्यामुळे शहरातील गुन्हेगारीला काही प्रमाणात वचक बसला होता. आता निवडणुका संपल्यानंतर शहरात पुन्हा एकदा कोयता गँग सक्रिय झाली आहे. रविवारी रात्रीच्या सुमारास रामटेकडी परिसरात टोळक्याने दहशत माजवली.

त्यांनी घरात घुसून नागरिकांवर कोयत्याने सपासप वार केले. या घटनेत काहीजण जखमी झाले. इतक्यावरच न थांबता या गुंडांनी परिसरात उभ्या असलेल्या वाहनांची तोडफोड केली. सात ते आठ मुलांच्या टोळक्याने दहा ते बारा गाड्यांचं नुकसान केलं या संदर्भात स्थानिकांनी पोलीस ठाण्यात तक्रार दिली आहे.

निवडणुका संपताच पुण्यात कोयता गँगचा धुमाकूळ; नागरिकांना घरात घुसून मारहाण, वाहनेही फोडली
Mumbai Rain : मुंबईसह उपनगराला मुसळधार पावसानं झोडपलं; विक्रोळीत इमारतीचा स्लॅब कोसळून बापलेकांचा मृत्यू

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com