Gaurav Ahuja : गौरव आहुजा पुणे पोलिसांना कधी शरण येणार? माफी मागत आरोपीने वेळच सांगितली!

Pune News : पुण्याच्या येरवडा परिसरात गौरव आहुजा या तरुणाने मद्यधुंद अवस्थेमध्ये अश्लील वर्तन केले. त्याने सिग्नल सुरु असताना कार रस्त्यात थांबून लघुशंका केली. लोकांना जाब विचारल्यावर विकृत चाळे करत पळ काढला. व्हिडीओ व्हायरल झाल्यानंतर सर्वत्र संतापाची लाट उसळली. पोलिसांनी गौरवचा मित्र भाग्येशला ताब्यात घेतले. आता गौरव आहुजालाही अटक झाल्याची माहिती समोर आली आहे.

गौरव आहुजा हा पुण्यातील हॉटेल व्यावसायिक मनोज आहुजा यांचा मुलगा आहे. आज गौरव मद्यधुंद अवस्थेत येरवडा परिसरात कार चालवत होता. शास्त्रीनगरच्या सिग्नलवर रस्त्याच्या मधोमध कार थांबवून त्याने लघुशंका केली. नागरिकांनी हटकल्यावर विकृत चाळे करत पळ काढला. या प्रकरणानंतर पोलिसांनी गौरवचा शोध घ्यायला सुरुवात केली.

गौरव आहुजा अजूनही फरार आहे. पण त्याने व्हिडीओ शेअर करत सर्वांची जाहीर माफी मागितली आहे. 'माझ्याकडून रस्त्यात मध्ये जे कृत्य झालं होतं, ते खूप चुकीचं होतं. संपूर्ण जनता, पोलीस आणि शिंदे साहेबांची मी माफी मागतो. मला एक संधी द्या, मी माफी मागतो. सॉरी. माझ्या कुटुंबीयांना त्रास देऊ नका. मी पुढच्या आठ तासात येरवडा पोलीस ठाण्यात सरेंडर होईन' असे व्हिडीओमध्ये गौरवने म्हटले आहे.

गौरव आहुजाची पार्श्वभूमी गुन्हेगारी स्वरुपाची आहे. गौरववर जुगार आणि अपहरणाचा गुन्हा दाखल आहे. त्याचे वडील मनोज आहुजा देखील गुन्हेगारी विश्वात सक्रीय आहेत. हे बापलेक खंडणी, पोकर गेम, क्रिकेट सामन्यांची बेटींग, मटक्याचा व्यवसाय अशा विविध स्वरुपाच्या व्यवसायांमध्ये सहभागी असल्याची माहिती उघडकीस आली आहे.