Pune: ५ वर्षांच्या मुलीवर बलात्कार करून हत्या, मावळमध्ये संतापाची लाट; आरोपीला फाशी द्या, गावात कडकडीत बंद

Summary:

• पुण्यातील मावळमध्ये ५ वर्षांच्या चिमुकलीवर बलात्कार करून हत्या

• मावळच्या उर्से गावात ही घटना घडली

• आरोपीला पोलिसांनी अटक केली

• घटनेच्या निषेधार्थ गावकरी आक्रमक

दिलीप कांबळे, मावळ

पुणे जिल्ह्यातल्या मावळमधील उर्से गावात ५ वर्षीय मुलीवर बलात्कार करून तिची हत्या करण्यात आली होती. या घटनेमुळे पुणे जिल्हा हादरला आहे. या घटनेच्या निषेधार्थ उर्से गावातील नागरिकांच्या वतीने कडकडीत बंद पाळून घटनेचा तीव्र निषेध करण्यात आला. तर सकल मराठा महासंघाच्या वतीने वडगावमध्ये निषेध करण्यात आला.

मिळालेल्या माहितीनुसार, मावळच्या उर्से गावामध्ये ५ वर्षांच्या मुलीवर ३० वर्षीय तरुणाने बलात्कार केला. आरोपीने बलात्कारानंतर चिमुकलीची हत्या केली आणि मृतदेह झुडपामध्ये फेकून दिला. या मुलीचे आई-वडील खेळणी तयार करणाऱ्या कंपनीत काम करतात. ते आपल्या दोन्ही मुलांना घरीच सोडून जायचे. नेहमीप्रमाणे ते शनिवारी सकाळी कामाला केले. घरी आल्यानंतर त्यांना मुलगी दिसली नाही त्यामुळे त्यांनी शोध घेतला. पण ती सापडली नाही.

बराच वेळ शोध घेतल्यानंतर चिमुकलीचा मृतदेह रविवारी शेतात आढळून आला. पोलिस तपासात मुलीवर लैंगिक अत्याचार करून तिचा गळा आवळून खून केल्याचे उघड झाले. या प्रकरणाचा तपास करताना मावळे पोलिसांनी अवघ्या काही तासांच ३० वर्षीय तरुणाला अटक केली. समीर कुमार मंडल असं आरोपीचे नाव असून तो मुलीच्या घराच्या शेजारी राहतो. या घटनेमुळे संपूर्ण मावळ तालुक्यात संतापाची लाट पसरली आहे.

कान्हे फाटा येथे गेल्या आठवड्यात अशीच घटना घडली होती. तर २ वर्षापूर्वी कोठूरने येथे ४ वर्षांच्या मुलीवर बलात्कार करून तिची हत्या करण्यात आली होती. या घटनांनंतर मावळमध्ये ५ वर्षांच्या मुलीवर बलात्कार करून तिची हत्या करण्यात आली. या घटनेच्या निषेधार्थ उर्से गावातील नागरिकांकडून दुकाने, आस्थापना पूर्णतः बंद ठेवण्यात आली. ग्रामस्थांनी रस्त्यावर उतरून आरोपीला फाशीची शिक्षा देण्यात यावी अशी मागणी केली.