Pune : पुण्यात बैलपोळा मिरवणुकीत थिरकल्या नृत्यांगणा, Video व्हायरल

रोहिदास गाडगे, साम टीव्ही, प्रतिनिधी

पुण्यातील खेड तालुक्यात वाडा येथे भाद्रपदी बैलपोळ्याच्या निमित्ताने मिरवणूक काढण्यात आली. या मिरवणुकीत नृत्यांगणा थिरकल्याची माहिती समोर आली आहे. बैलपोळी मिरवणुकीत भंडाराची उधळण होत असताना दुसऱ्या बाजूला डिजेच्या तालावर नृत्यांगना थिरकत असल्याचे व्हिडीओ सोशल मीडियावर व्हायरल होत आहे. या घटनेची परिसरात चर्चा होत आहे.

बैल हा शेतकऱ्यांचा सखा, सोबती मानला जातो. त्यांच्या कष्टांची कृतज्ञता व्यक्त करण्यासाठी शेतकरी दरवर्षी बैलपोळ्याच्या दिवशी बैलाची मनोभावे पूजा करतात, गोडधोड खायला देतात आणि वाजतगाजत मिरवणूक काढतात. मात्र शेतीत यांत्रिकीकरण वाढल्याने बैलांचा वापर कमी होत चालला आहे. त्यामुळे यंदा शेतकरी वर्गाने कृतज्ञतेची भावना व्यक्त करण्यासाठी मातीच्या बैलांची पूजा करण्यास सुरुवात केली आहे. खेडमधील या मिरणवूकीची सर्वत्र चर्चा होत आहे.