Pune Accident: पीएमपी बस आणि दुचाकीचा भीषण अपघात, दोन तरुणांचा जागीच मृत्यू

Pune: पीएमपी बस आणि दुचाकीचा भीषण अपघाताची घटना पुण्यात घडली आहे. या अपघातात दोन तरुणांचा दुर्देवी मृत्यू झाला. सिंहगड रस्त्यावरील गोऱ्हे बुद्रुक हद्दीत ॲक्वेरिअस हॉटेलच्या समोर घडली आहे. (Pune News)

याबाबत समोर आलेल्या माहितीनुसार, काल रात्री साडेदहा वाजता हा भीषण अपघात झाला आहे. ज्यामध्ये पीएमटी बस (एम एच 12 आर एन 9071) स्वारगेटवरुन खानापूरकडे जात होती तर तरुण दुचाकीवरून डोणजे बाजूकडून पुण्याच्या दिशेने येत होते. गोऱ्हे बुद्रुक गावच्या हद्दीत खडकवासला धरणाला लागून असलेल्या ॲक्वेरिअस हॉटेलच्या समोर बस व दुचाकीची समोरासमोर जोरदार धडक झाली.

या अपघातात आदित्य राजेंद्र देशमुख(वय 22, रा. तनीष सृष्टी, आळंदी देवाची) आणि निलेश मल्लेश मित्रे (वय 22, रा. ताडीवाला रोड, पुणे) गंभीर जखमी झाले. त्यांना तातडीने उपचारांसाठी खाजगी दवाखान्यात दाखल करण्यात आले होते. परंतु उपचारांपुर्वीच त्यांचा मृत्यू झाल्याचे डॉक्टरांनी सांगितले. (Latest Marathi News)