Pune Crime: पुण्यातील 5 Star हॉटेलमध्ये सुरू होत भलतंच काम; पोलीस पोहोचले अन्...

अक्षय बडवे

Crime in Pune: पुणे स्टेशन परिसरातील एका पंच तारांकित हॉटेलमध्ये वेश्या व्यवसाय सुरु असल्याची माहिती उघडकीस आली आहे. या प्रकरणी ३ दलालांना अटक करण्यात आली आहे. रवींद्रकुमार तुलशी यादव, आनंदकुमार सुक्कर यादव, अभिषेक प्रकाशचंद बेनिवाल अशी अटक केलेल्या दलालांची नावे आहेत. यासोबतच दिल्ली, उत्तरप्रदेश, पश्चिम बंगालमधील चार तरुणींना देखील ताब्यात घेण्यात आले आहे. (Latest Marathi News)

हे दलाल सोशल मीडियावरून (social Media) ग्राहकांच्या संपर्कात होते. पुणे स्टेशन परिसरातील फाईव्ह स्टार हाॅटेलमधील खोली बुक करून परराज्यातील तरुणींना तेथे बोलावून घेत होते. त्यानंतर ग्राहकांशी ऑनलाइन पद्धतीने संपर्क साधून आर्थिक व्यवहार करत होते.

पुणे (Pune) स्टेशन परिसरातील तारांकित हॉटेलमध्ये दलालांनी दोन खोल्या आरक्षित करुन ठेवल्या होत्या. या ठिकाणी दोन तरुणींना बोलविण्यात आले. पोलिसांच्या पथकाने तेथे छापा टाकून दोन तरुणींना ताब्यात घेतले. त्यांची चौकशी करण्यात आली. तेव्हा येरवडा भागात आणखी दोन तरुणी आणि तीन दलाल थांबल्याची माहिती मिळाली. (Pune News)

येरवड्यातील महाराष्ट्र हौसिंग बोर्ड परिसरातून तीन दलाल तसेच दोन तरुणींना ताब्यात घेण्यात आले. या प्रकरणी बंडगार्डन पोलीस (Police) ठाण्यात दलालांच्या विरुद्ध अनैतिक मानवी वाहतूक प्रतिबंधक अधिनियम कायद्यान्वये गुन्हा दाखल करण्यात आला आहे. या प्रकरणी बंडगार्डन पोलीस ठाण्यात दलालांच्या विरुद्ध अनैतिक मानवी वाहतूक प्रतिबंधक अधिनियम कायद्यान्वये गुन्हा दाखल करण्यात आला आहे.

नागपुरातील हॉटेलमध्ये सुरू होता वेश्या व्यवसाय

नागपुरातील एका हॉटेलमध्ये सुरू असलेल्या वेश्या व्यवसायाचा नागपूर पोलिसांनी (Nagpur Police) भंडाफोड केला आहे. याप्रकरणी दोन दलालांना पोलिसांनी अटक केली आहे. तर एका उजबेकिस्तानच्या तरुणीसह दिल्लीच्या 2 तरुणींनीची सुटका केली आहे.

वर्धा मार्गावर सुरु असलेल्या एका हॉटेलमध्ये वेश्या व्यवसाय रू असल्याची गुप्त माहिती नागपूर पोलिसांच्या सामाजिक सुरक्षा विभागाला मिळाली. माहितीच्या आधारे पोलिसांनी या हॉटेलमध्ये सापळा रचून 2 दलालांना अटक केली.

अटक केलेल्यांमध्ये बिलाल अहमद आणि राजकुमार गडेलवार यांचा समावेश आहे. ऑनलाइन पद्धतीने हे दलाल ग्राहकांशी संपर्क साधून त्यांना तरुणी उपलब्ध करून द्यायचे. या प्रकरणी उजबेकिस्तान येथून आलेली एक तरुणी आणि दिल्ली येथील 2 तरुणींची पोलिसांनी सुटका केली. याप्रकरणी पोलीस पुढील तपास करीत आहेत.