Pune Accident News: पुणे-सोलापूर महामार्गावर भीषण अपघात; तेलंगणाच्या दिशेने जाणारी खासगी बस उलटली, वाहतूक ठप्प

Pune News: पुण्यातून अपघाताचं मोठं वृत्त हाती आलं आहे. पुणे-सोलापूर महामार्गावरील भांडगाव हद्दीत भीषण अपघात झाला आहे. पुण्याकडून सोलापूरच्या दिशेने जाणारी खासगी बसचा अपघात झाल्याची माहिती समोर आली आहे. या बसमध्ये 50 ते 60 प्रवासी असल्याची प्राथमिक माहिती समोर आली आहे. (Latest Marathi News)

मिळालेल्या माहितीनुसार, पुणे-सोलापूर महामार्गावरील भांडगाव हद्दीत भीषण अपघात झाला आहे. पुण्याकडून सोलापूरच्या दिशेने जाणारी खाजगी ट्रॅव्हल्स बस उलटल्याची घटना घडली आहे. तेलंगणाच्या दिशेने जाणारी खासगी ट्रॅव्हल्स बस उलटल्यानंतर प्रवाशामध्ये एकच खळबळ उडाली. बसमध्ये अंदाजे 50 ते 60 प्रवासी असल्याची प्राथमिक माहिती समोर आली आहे.

अपघाताची माहिती मिळताच घटनास्थळी यवत पोलीस दाखल झाले आहेत. पोलिसांनी घटनास्थळी पोहचून मदत कार्य सुरू केले आहे. पुणे-सोलापूर महामार्गावरील पुण्याकडून सोलापूरच्या दिशेने जाणारी वाहतूक ठप्प झाली आहे.

प्रत्यक्षदर्शीच्या म्हणण्यानुसार, ढाब्याजवळ बस थांबवण्यात आली होती. ढाब्यात जेवण केल्यानंतर सर्व बसमध्ये परतले. त्यानंतर बस दुसऱ्याने चालवायला घेतली. बस खूप वेगात होती. मुंबईहून तेलंगणाला जाणारी भरधाव वेगातील ही बस उलटली. भरधाव बस प्रवाशांनी गच्च भरली होती. या अपघातात काही जण जखमी झाले आहेत. जखमींना रुग्णालयात उपचारासाठी दाखल करण्यात आले आहे. तर काही प्रवासी घटनास्थळी आहेत'.