नवाब मलिकांवर देशद्रोहाचा गुन्हा दाखल करा : प्रवीण दरेकर

मुंबई : नवाब मलिक यांचे डोकं ठिकाणावर नाही. त्यांना मानसोपचार तज्ञांकडे जाऊन उपचार करण्याची आवश्यकता निर्माण झालेली आहे. काेणत्याही प्रकारची कागदपत्रे सादर न करता, पुरावे सादर न करता केवळ आरोप करत राहणे अशा प्रकारचे काम नवाब मलिक करत आहेत. त्यांनी हाजी अराफत शेख आणि मुन्ना यादव यांचे नाव घेतलं माझा त्यांना प्रश्न आहे की हाच त्यांचा हायड्रोजन बॉम्ब होता का? pravin darekar nawab malik devendra fadanvis mumbai news

देवेंद्र फडणवीस यांनी जो स्फोट केला आहे त्यातून ते अजूनही सावरलेले दिसत नाही. कारण त्यांचे सन १९९३ मधल्या बाॅम्ब स्फाेटाशी संबंधित असलेल्या आरोपी सोबतचे संबंध आता समोर आलेले आहेत. त्यामुळे त्यांच्यावर आता देशद्रोहाचा गुन्हा दाखल करण्यात यावा अशी मागणी विधान परिषदेचे विराेधी पक्ष नेते प्रवीण दरेकर यांनी केली आहे.

नवाब मलिक जे आरोप करीत आहेत आणि आज जे केले ते केवळ फुटकळ आरोप आहेत, त्याला कसलाही आधार नाही असेही दरेकरांनी नमूद केले. आज एसटी कर्मचारी यांचा आक्राेश हा सरकारला दिसत नसल्याची खंत दरेकरांनी व्यक्त केली.

edited by : siddharth latkar