सुरेश पिंगळे आत्महत्या प्रकरणी महिला पोलीस कॉन्स्टेबल निलंबित

पुणे - 18 तारखेला सुरेश पिंगळे नावाच्या व्यक्तीने पुणे पोलीस आयुक्तालयासमोर स्वतःला पेटवून घेऊन आत्महत्या केली होती. नोकरी टिकवण्यासाठी आवश्यक असलेले पोलीस व्हेरिफिकेशन सर्टिफिकेट मिळत नसल्याने आणि पोलीस कॉन्स्टेबल विद्या पोखरकर त्यामधे अडथळे आणत असल्याने सुरेश पिंगळे यांनी आत्महत्या करत असल्याच म्हटले होते.

हे देखील पहा -

मात्र, पुणे पोलीसांनी काल पत्रकार परिषद घेऊन सुरेश पिंगळे यांनी कौटुंबिक ताणातून आत्महत्या केल्याचा दावा करत या प्रकरणाला वेगळे वळण देण्याचा प्रयत्न केला होता. परंतु मृत्यूपूर्वी काही वेळ आधी सुरेश पिंगळे यांचा रेकॉर्ड केलेला व्हिडीओ समोर आला आहे.

ज्यामधे त्यांनी पोलीस कॉन्स्टेबल पोखरकर यांच्या त्रासाला कंटाळून आपण हे पाऊल उचलल्याचे म्हटले आहे. त्यानंतर पुणे पोलिसांनी घुमजाव करत पोलीस कॉन्स्टेबल विद्या पोखरकर यांना निलंबित केले आहे.

Edited By - Shivani Tichkule