तीन हजार रुपयांची लाच घेताना पोलीस हवालदारास अटक

मावळ - वडगाव मावळ पोलीस (Maval Police) ठाण्यातील एका पोलीस हवालदाराने अदखलपात्र गुन्ह्यातील आरोपीकडून कारवाई न करण्याच्या अनुषंगाने दहा हजार रुपयांची लाचेची मागणी केली होती. त्यास तीन हजार रुपयांची लाच (Bribe) स्विकारताना लाच लुचपत प्रतिबंधक विभागाने रंगेहात अटक केली आहेत. संतोष माने असे आरोपीचे नाव आहे.

हे देखील पहा -

या संदर्भात मिळालेल्या माहितीनुसार तक्रारदार यांच्या पत्नी तक्रारीवरून वडगाव मावळ पोलीस स्टेशन मध्ये अदखलपात्र गुन्हा दाखल केला होता. या गुन्ह्याच्या अनुषंगाने कारवाई न करण्यासाठी तक्रारदारांना पोलीस हवालदार संतोष माने यांनी पोलीस ठाण्यात बोलवून त्यांच्याकडे दहा हजार रुपयांच्या लाचेची मागणी केली व तडजोडी अंती तीन हजार रुपयांची मागणी करून लाचेची रक्कम स्वीकारताना लाच लुचपत प्रतिबंधक विभागाने रंगेहात अटक केली आहे.

Edited By - Shivani Tichkule