Pimpri Chinchwad News : लैंगिक अत्याचाराची तक्रार.. मुलीचा खून, दाेघांना अटक

Pimpri Chinchwad Crime News : लैंगिक अत्याचार केल्याची तक्रार करणाऱ्या अल्पवयीन मुलीचा दोघांनी मिळून निर्घृण खून केल्याची धक्कादायक घटना पिंपरी चिंचवड येथे घडली आहे. या घटनेतील संशयित दाेन्ही आरोपी अल्पवयीन असल्याची माहिती पाेलिसांनी दिली. (Breaking Marathi News)

पिंपरी चिंचवड शहरातील चिखली पोलीस स्टेशनच्या हद्दीत असलेल्या आणि महापालिकेतर्फे उभारल्या गेलेल्या रिकाम्या इमारतीमध्ये अल्पवयीन मुलीची निर्घृण हत्या करण्यात आली. या घटनेत मृत पावलेली मुलगी मागील तीन दिवसांपासून बेपत्ता होती. पीडित मुलीचा मृतदेह मिळाल्या नंतर पोलिसांनी तपासाची चक्रे वेगाने फिरवली.

तिचा खून करणाऱ्या दोन्ही अल्पवयीन संशयित आरोपींना पोलीसांनी ताब्यात घेतले आहे अशी माहिती काकासाहेब डोळे (पोलिस उपायुक्त, पिंपरी चिंचवड झोन टू) यांनी दिली. धक्कादायक बाब म्हणजे मुलीचा खून केल्या नंतर दोन्ही संशयित आरोपी मोकाट फिरत होते. मात्र पोलिस त्यांच्यापर्यंत पोचले आणि दोघांच्याही मुसक्या आवळल्या.

दरम्यान चौकशी दरम्यान पोलिसांनी संशयितांना खून करण्याचे कारण विचारलं तेव्हा संशयितांनी दिलेल्या माहितीनंतर पोलीसही हादरले. या घटनेतील दुसरी एक धक्कादायक बाब म्हणेजे ज्या ठिकाणी पीडित मुलीचा खून करण्यात आला. ती इमारत मागील दीड दाेन वर्षांपासून ओस पडली आहे. इथे एखादा सुरक्षा रक्षक असता तर कदाचित आज एक जीव वाचला असता.

आता घटना घडल्या नंतर पोलिसांनी संबधित विभागावर कारवाई करणार असल्याचं सांगत आहेत. मात्र पोलिसांना हे शहाणपण आधीच सुचलं असतं तर आज एका मुलीचा नाहक बळी गेला नसता.

Edited By : Siddharth Latkar