Pimpri Chinchwad : पिंपरी चिंचवड (Pimpri) शहरामध्ये पहिल्यांदाच डी वाय पाटील मेडिकल कॉलेजमध्ये हृदय आणि फुफ्फुस एकाच वेळी यशस्वीरित्या प्रत्यारोपण केल्याचा दावा डी वाय पाटील मेडिकल कॉलेज युनिव्हर्सिटीने केला आहे. खाजगी वैद्यकीय महाविद्यालयात पहिल्यांदाच ह्रदय आणि फुफ्फुसाचे यशस्वीरित्या प्रत्यारोपण (Transplant) करण्यात आल्याचा दावा देखील डी वाय पाटील युनिव्हर्सिटी मेडिकल कॉलेजने केला आहे. (heart -lung transplant surgery)
प्राजक्ता नावाच्या महिलेचे एल ए एम या आजाराने (illness) हृदय आणि फुफ्फुस निकामी झाले होते. जवळपास 11 वर्ष सतत ऑक्सिजन सिलेंडर लावून त्या कशाबशा जगत होत्या. मात्र त्या महिलेचे योग्य वेळी हृदय आणि फुफ्फुस दान मिळाल्याने त्यांना जीवदान मिळालं आहे. प्राजक्ता यांना हृदय आणि फुफ्फुसाचे प्रत्यारोपण करण्यासाठी जवळपास 37 ते 38 लाख रुपये खर्च आला आहे. हा खर्च देखील डी वाय पाटील मेडिकल कॉलेज ने ना नफा - ना तोटावर या तत्त्वावर केला आहे.
पिंपरी चिंचवड सारख्या छोट्या शहरात हृदय आणि खूपच प्रत्यारोपण शस्त्रक्रिया यशस्वीरित्या केल्याने पिंपरी चिंचवड करात मोठ्या आनंदाचे वातावरण आहे. भविष्यात देखील एखाद्या गरजू रुग्णाला ना नफा ना तोटा या तत्त्वावर मानवी अवयव प्रत्यारोपण करण्यात येतील, असे यावेळी डी वाय पाटील मेडिकल कॉलेजचे कुलपती पाटील यांनी सांगितलं.
तसेच शस्त्रक्रिया यशस्वीरित्या करणारे समूहाचे मुख्य डॉक्टर संदीप अटावार यांनी ब्रेनडेड झालेल्या रुग्णांच्या नातेवाईकांमध्ये अवयव दानाविषयी अजून जागरूकता निर्माण व्हायला हवी. त्यांनी ब्रेनडेड रुग्णांचे अवयव दान करून एखादा गरजू रुग्णाला नवीन जीवन द्यायला हवं, असं आव्हान यावेळी केलं. तर प्राजक्ता यांना डी वाय पाटील मेडिकल कॉलेजमध्ये नवीन जीवन मिळाल्याने तिने देखील देवाप्रमाणे डी वाय पाटील मेडिकल कॉलेजविषयी आपली कृतज्ञता व्यक्त केली.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.