दादरच्या चैत्यभूमीत गोंधळाचं वातावरण; पोलिसांना केली धक्काबुक्की...(पहा व्हिडिओ)

मुंबई : भारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त दरवर्षी लाखो अनुयायी त्यांना अभिवादन करण्याकरिता चैत्यभूमी, शिवाजी पार्क या ठिकाणी येत असतात. मात्र, मुंबईत चैत्यभूमीवर काही वेळेसाठी गोंधळाची परिस्थिती निर्माण झाली आहे. डॉ. बाबासाहेब आंबेडकरांना अभिवादन करण्याकरिता चैत्यभूमीवर आलेल्या अनुयायांना पोलिसांनी रोखले होते.

पहा व्हिडिओ-

यामुळे काही अनुयायी संतापले. या अनुयायांमध्ये आणि पोलिसांमध्ये चांगलीच झटापटही झाली आहे. ऑल इंडिया पँथरचे कार्यकर्त्यांनी चैत्यभूमीच्या बाहेर गोंधळ घातला आहे. राजकीय नेते थेट येऊन दर्शन घेत आहेत. त्याबरोबरच त्यांचे अनेक कार्यकर्ते देखील त्यापद्धतीत दर्शन घेत होते. panic situation all india panther activists outside chaityabhoomi he pushed police

सामान्य माणसाने का रांगेत येऊन दर्शन घ्यावे या निषेधार्थ काही तरुणांनी बॅरिकेट्स तोडून आतमध्ये येण्याचा प्रयत्न केला आहे. हे तरुण केवळ स्टंटबाजी करत असल्याचे आयोजन कर्त्यांचे सांगणे आहे. सध्या परिस्थिती नियंत्रणामध्ये असून तणावपूर्ण शांतता आहे.

Edited By- Digambar Jadhav