Vadhavan Port : वाढवण बंदर विरोधात गुरुवारी आझाद मैदानावर आक्रोश माेर्चा

Palghar News :

पालघर जिल्ह्यातील हाेऊ घातलेल्या वाढवण बंदर विरोधात पालघर मधील 25 पेक्षा अधिक संघटना येत्या 22 फेब्रुवारीला आझाद मैदानावर आक्रोश मोर्चा काढणार आहेत. याबाबतची माहिती वाढवण बंदर विरोधी युवा समितीचे मिलिंद राऊत यांनी साम टीव्हीशी बाेलताना दिली. (Maharashtra News)

राज्याचे उपमुख्यमंत्री देवेंद्र फडणवीस यांनी वाढवण बंदराचे भूमिपूजन याच महिन्यात होणार असल्याचे नुकतेच जाहीर केले. त्यानंतर पालघर मधील वाढवण बंदर विरोधी संघर्ष समितीसह मच्छीमार संघटना आक्रमक झाल्याचे पाहायला मिळत आहे.

शुक्रवारी वाढवण बंदर विराेधी संघर्ष समितीसह मच्छिमार यांनी पालघरला एकत्र येत हुतात्मा चौक येथे वाढवण बंदराची प्रतिकृतीची दहन केले. यावेळी आंदाेलकांनी सरकार विरोधात घोषणाबाजी केली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

याबराेबरच सीपीएमकडून डहाणूत सागर नाका येथे रास्ता रोको आंदाेलन करण्यात आले. माकपाचे आमदार विनोद निकोले यांच्यासह कार्यकर्त्यांना डहाणू पोलिसांनी ताब्यात घेतले हाेते.

गुरुवारी आझाद मैदानावर माेर्चा

येत्या गुरुवारी (ता.22) वाढवण बंदर विरोधात आझाद मैदानावर आक्राेश माेर्चा काढण्यात येणार आहे. यामध्ये राज्यातील मच्छीमारांच्या विविध संघटना आणि पालघर मधील 25 पेक्षा अधिक संघटना सहभागी हाेणार आहेत अशी माहिती मिलिंद राऊत यांनी दिली.

Edited By : Siddharth Latkar