सावधान! आमचा 'दुसरा बॉम्ब' येतोय, चंद्रकांत पाटलांचा सरकारला इशारा

पुणे: विरोधी पक्षनेते देवेंद्र फडणवीस यांनी विधान भवनात एक बॉम्ब टाकला तो म्हणजे पेन ड्राईव्ह बॉम्ब. त्याने राजकीय वर्तुळात एकच खळबळ उडाली होती. यावर चंद्रकांत पाटलांनी आता नका खुलासा केला आहे. एका पेन ड्राईव्हद्वारे फडणवीसांनी सगळी माहिती सादर केली आहे. विरोधी पक्ष नेते सत्ताधाऱ्यांची प्रकरणे बाहेर काढतात, त्यांना कुठून माहिती मिळते हे विचारायचं नसतं, त्याने ते काम करू शकणार नाही.

2 रा बॉम्ब येतोय, 1 ल्याच बॉम्ब ला चडीचूप होताय, पण आम्हाला घाबरवण्याचा प्रयत्न केला जातोय, आम्ही घाबरण्यातले लोक नाही, चळवळीतले लोक आहोत असे म्हणत पाटलांनी 2 ऱ्या बॉम्बचा इशारा दिला आहे. कोर्ट BJP ने थोडीच विकत घेतलं आहे का? केंद्रीय तपास यंत्रणांच्या विरोधात खुशाल कोर्टात जावं असेही चंद्रकांत पाटील म्हणाले.

दरम्यान राज्याचे अर्थसंकल्पीय अधिवेशन सुरु आहे. परंतु या अधिवेशनात सर्वात चर्चेचा विषय ठरला तो देवेंद्र फडणवीसांचा 'पेन ड्राईव्ह बॉम्ब'. याच पेन ड्राईव्ह बॉम्बने राजकीय वर्तुळात खळबळ उडाली. या प्रकरणावर या अगोदरही भाजपचे प्रदेशाध्यक्ष चंद्रकांत पाटील (Chandrakant Patil) यांनी प्रतिक्रिया दिली होती. ते म्हणाले होते की संबंधीत प्रकरणाची आम्ही सीबीआय चौकशी मागणार, कोर्टात जाणार. पुढे ते म्हणाले की सीबीआय सगळंच काढेल, क्लिप्स खऱ्या आहेत की खोट्या.

आज सायबर क्राईचे काही अधिकारी देवेंद्र फडणवीस यांची चौैकशी करत आहेत. रश्मी शुक्ला फोन टॅपिंग आणि बदल्यांच्या रॅकेट प्रकरणी चौकशी सुरु आहे. परंतु यामुळे भाजप कार्यकर्ते आक्रमक झाले आहेत. विरोधी पक्षांचा अधिकार हिरावून घेतला जातोय अशी चौकशी करता येत नाही असेही भाजप नेते म्हणत आहेत.

Edited By: Pravin Dhamale