संजय गडदे, साम टीव्ही, प्रतिनिधी
महाराष्ट्रात विधानसभा निवडणुकीच्या तारखा केव्हाही जाहीर होऊ शकता. अशातच सर्वच पक्ष विधानसभा निवडणुकीच्या तयारीला लागलेले आहेत. मनसेकडून देखील विधानसभा लढवण्याची तयारी सुरू झाली आहे. यातच वर्सोवा विधानसभेतून मनसे सरचिटणीस शालिनी ठाकरे यांच्या नावाची चर्चा सुरू झाली असतानाच कार्यकर्त्यांकडून त्यांच्या वाढदिवसानिमित्त संपूर्ण विधानसभेत मोठ्या प्रमाणावर बॅनरबाजी करण्यात आले कार्यकर्त्यांकडून आज भावी आमदार म्हणून केक देखील कापण्यात आला.
यावरच आपली प्रतिक्रिया देताना शालिनी ठाकरे म्हणाल्या आहेत की, ''कार्यकर्त्यांचा आणि मनसैनिकांचा प्रेम आहे, यांची इच्छा आहे ते व्यक्त करतात. शेवटी काय तो निर्णय राज साहेबांचा असतो.''
शालिनी ठाकरे म्हणाल्या की, आम्हाला फक्त एवढेच म्हणायचे महाराष्ट्र नवनिर्माण सेनेच्या प्रयत्नाने उत्तर पश्चिम मध्ये खासदार निवडून आला. महाराष्ट्र नवनिर्माण सेनेने जे सहकार्य केले, त्यामुळे त्यांचे बळ वाढलं ते निवडून आले.''
त्या पुढे म्हणाल्या की, ''आता कुठेतरी त्यांनी पण विचार करायचा महाराष्ट्र नवनिर्माण सेनेला कसा न्याय मिळवून द्यायचा. वर्सोवा विधानसभेत सांगायचं तर चांगला कुठलातरी चेहरा नाहीये, महिला चेहरा आता जो आहे, त्या विद्यमान आमदार आहेत. त्याबद्दल खूप नाराजी आहे, हे सगळे मान्य करतात मग राजसाहेब त्या दृष्टीने विचार करत आहेत. राज साहेबांचा जो काही आदेश असेल, तो आम्हाला मान्य असेल.''
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.