Pune Accident : दीड वर्षापूर्वी लग्न, आता अपघातात मृत्यू, पुण्यात एसटी बसने उड्डाणपूलावर राजाला उडवले

सचिन जाधव, पुणे प्रतिनिधी

Pune night accident while crossing road : पुण्यात रामटेकडी किर्लोस्कर रेल्वे उड्डाणपूलावरून रस्ता ओलांडताना एका तरुणाला कर्नाटक एसटी बसने जोरात धडक दिली. या भीषण अपघातात तरुणाचा जागीच मृत्यू झाला. ही घटना सोमवारी रात्री साडे आठ वाजण्याच्या सुमारास घडली. घटनास्थळी अंधार असल्याने नागरिकांना धाव घेऊन गाडीच्या खालून तरुणाला बाहेर काढून रुग्णालयात पाठवण्यात आले. वानवडी पोलिसांनी धाव घेऊन कर्नाटक एसटी चालकाला ताब्यात घेऊन त्याच्यावरती सोमवारी गुन्हा दाखल करण्यात आला आहे. मृत राजा लाकडे यांचे दीड वर्षांपूर्वीच लग्न झाले होते. (Maharashtra road accident updates)

डॉक्टरांनी उपचारापूर्वीच त्यास मृत घोषित केले. याप्रकरणी वानवडी पोलीस ठाण्यात एसटी चालकाला अटक करून गुन्हा दाखल करण्यात आला. राजा यल्लापा लाकडे ( वय २५ रा.वैदुवाडी, हडपसर ) असे अपघातात मृत्यू झालेल्या तरुणाचे नाव आहे. आमल्या आयप्पा क्रियाळ ( वय ५८ रा.शहापूर बसवेश्वर नगर, कर्नाटक ) या कर्नाटक एसटी चालकाला वानवडी पोलिसांनी अटक केली आहे.

सोमवारी रात्री साडेआठ वाजण्याच्या सुमारास, कर्नाटक एसटी महामंडळाची बस ही सोलापूरच्या दिशेने जात होते, यावेळी रामटेकडी किर्लोस्कर उड्डाणपुलावरून राज लाकडे हा रस्ता ओलांडत होता.रात्रीचे वेळ असल्याने उड्डाण पुलावरून वाहने सुसाट असल्याने रस्ता ओलांडणारा तरुणाला एसटी चालकाने धडक दिली, यामध्ये एसटी बसचे चाक त्याच्या अंगावरून गेल्याने त्याचा जागीच मत्यू झाला. घटनास्थळी नागरिकांनी धाव घेऊन गंभीर जखमी असलेल्या राजला शासकीय रुग्णालयात दाखल केले. मात्र उपचारा पूर्वीच डॉक्टरांनी मृत घोषित केले.