मुंबई : शिवसेना (Shivsena) आणि दसरा मेळावा हे अनोखं नातं अवघ्या महाराष्ट्रानं गेली अनेक वर्षांपासून जनतेनं पाहिलं आहे. मात्र यंदाचा दसरा मेळावा दोन गटात विभागला आहे. दसरा मेळाव्यात ठाकरे आणि शिंदे गट आमने-सामने दिसणार आहे. उद्धव ठाकरे गटाचा दसरा मेळाव शिवाजी पार्कमध्ये तर शिंदे गटाचा दसरा मेळावा बीकेसीमध्ये पार पडणार आहे.
उद्धव ठाकरे (Uddhav Thackeray) यांनी शिवसेनेत फूट पडल्यानंतरही महाविकास आघाडीत राहण्याची आपली भूमिका काय ठेवली आहे. म्हणून आता उद्धव ठाकरेंना काँग्रेस आणि राष्ट्रवादीकडून दसरा मेळाव्यातही समर्थन मिळत आहे. उद्धव ठाकरे यांच्या शिवसेनेच्या दसरा मेळाव्याला समर्थन देण्यासाठी राष्ट्रवादी काँग्रेस पक्ष मैदानात उतरला आहे, असं चित्र पाहायला मिळत आहे. (Latest Marathi News)
मातोश्रीबाहेर राष्ट्रवादी काँग्रेस पक्षाकडून बॅनरबाजी करण्यात आली आहे. शिवसेनेचा दसरा मेळाव्याचा बॅनर शेजारीच राष्ट्रवादी काँग्रेसकडूनही शिवसेनेच्या दसरा मेळाव्याला शुभेच्छा देण्यासाठी बॅनरबाजी करण्यात आली आहे.
राष्ट्रवादी काँग्रेस पक्षाच्या बॅनरवर एक संघटना, एक विचार, एकच मैदान.. शिवसेनेचा दसरा मेळावा परंपरा अखंड राहू द्या. खूप खूप शुभेच्छा असा उल्लेख आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.