Navi Mumbai Airport-Thane: वेळ वाचणार! ठाणे-नवी नवी मुंबई विमानतळ झटक्यात पोहचा, एलिव्हेटेड रोडचा सरकारचा मास्टरप्लॅन

मुंबईत लवकरच नवीन विमानतळ सुरु होणार आहे. नवी मुंबई विमानतळ लवकरच सुरु होणार आहे. नवी मुंबई विमानतळामुळे अनेक गोष्टी सोयीस्कर होणार आहे. दरम्यान, राज्यातील वाहतूक आणि शहरी विकासाच्या दृष्टीने महत्त्वाच्या ठरणाच्या अनेक प्रकल्पांबाबत निर्णय घेण्यात आले आहेत.देवेंद्र फडणवीसांच्या अध्यक्षतेथखाली हा निर्णय घेण्यात आला आहे. या निर्णयांमुळे मुंबई, पुणे, ठाणे, नवी मुंबई आणि नागपूर या शहरांना आधुनिक वाहतूक व्यवस्था आणि विकासाची नवी दिशा व गती मिळेल, असे मुख्यमंत्र्यांनी सांगितले.

दरम्यान, आता नवी मुंबई आणि ठाणेकरांसाठी महत्त्वाची बातमी आहे. नवी मुंबई विमानतळाला जोडण्यासाठी नवा एलिव्हेटेड रोड सुरु केला जाणार आहे. यामुळे ठाणे आणि नवी मुंबई विमानतळ जोडले जाणार आहे.

ठाणेकर आणि नवी मुंबईकरांसाठीही महत्त्वाची पायाभूत सुविधा उभारणीचा मार्ग मोकळा आता मोकळा झाला आहे. ठाणे ते नवी मुंबई आंतरराष्ट्रीय विमानतळादरम्यान एलिव्हेटेड रोड उभारण्यास मंजुरी देण्यात आली आहे.हा एलिव्हेटेड रोड 25 किलोमीटर लांबीचा आहे. या प्रकल्पामुळे ठाणे, नवी मुंबई आणि मधल्या औद्योगिक क्षेत्रांना वेगवान व समर्पित दळणवळण मार्ग उपलब्ध होणार आहे.

मुंबईत मेट्रो मार्गिका 11 या प्रकल्पालादेखील हिरवा कंदील मिळाला आहे. वडाळा डेपो ते गेटवे ऑफ इंडिया या 16 किलोमीटर लांबीच्या पूर्ण भूमिगत मार्गिका सुरु करण्यात येणार आहे. ही मेट्रो श्यामाप्रसाद मुखर्जी चौक व हॉर्निमन सर्कल अशा महत्त्वाच्या ठिकाणांवरून ही मेट्रो धावेल. या प्रकल्पाचा खर्च जवळपास ₹24,000 कोटी रुपये आहे. या मार्गिकेमुळे मुंबईकरांना वाहतुकीत मोठा दिलासा मिळेल.