Krishi Seva Kendra: तीन कृषी सेवा केंद्राचे परवाने रद्द, नगरमध्ये खळबळ

- सुशिल थाेरात

कृषी विभागाच्या पथकाने तपासणीअंती नगर जिल्ह्यातील तीन कृषी सेवा केंद्रांचे परवाने कायमस्वरूपी रद्द केले आहेत. तसेच तीन कृषी सेवा केंद्रांचे परवाने निलंबित करण्यात आले आहेत. या धडक कारवाईची माहिती जिल्हा अधीक्षक कृषी अधिकारी सुधाकर बोराळे यांनी साम टीव्हीला दिली. (Maharashtra News)

सध्या खरीप हंगामासाठी बाजारामध्ये शेतकऱ्यांची बी- बियाणे आणि खते तसेच इतर कृषी साहित्य खरेदीसाठी लगबग सुरू असल्याचे पाहायला मिळत आहे. दरम्यान शेतकऱ्यांना गुणवत्तापूर्ण साहित्यांची उपलब्धता व्हावी तसेच कमी दर्जाच्या साहित्यामुळे त्यांची फसवणूक होऊ नये यासाठी कृषी विभागाकडून काळजी घेतली जात आहे.

कृषी विभागाने 15 भरारी पथके नगर जिल्ह्यात कार्यरत ठेवली आहेत. या पथकाने तपासणी केल्यानंतर जिल्ह्यातील तीन कृषी सेवा केंद्रांचे परवाने कायमस्वरूपी रद्द केले. तसेच तीन कृषी सेवा केंद्रांचे परवाने निलंबित करण्यात आले आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

जिल्हा अधीक्षक कृषी अधिकारी सुधाकर बोराळे म्हणाले कायमस्वरूपी परवाने रद्द करण्यात आलेल्या दुकानांमध्ये एक बियाणे, एक खते आणि एका कीटकनाशकाच्या दुकानाचा समावेश आहे तर परवाना निलंबित करण्यात आलेल्या दुकानात एक बियाणे विक्री केंद्र आणि दोन खत विक्री केंद्र आहेत.

Edited By : Siddharth Latkar