मोरोशी शासकीय आश्रमशाळेच्या आवारात १०वीच्या विद्यार्थिनीची आत्महत्या
मुख्याध्यापकांच्या मुळे आत्महत्या केल्याचं प्राथमिक तपास समोर
महिला अधीक्षिका, पुरुष अधीक्षक असतानाही सुरक्षा व्यवस्थेवर प्रश्नचिन्ह
पोलीस तपास सुरू, आरोपींचा शोध जारी
फैय्याज शेख, शहापूर
मुरबाड येथून धक्कादायक बातमी समोर आली आहे. तालुक्यातील मोरोशी येथील शासकीय आश्रमशाळेतील इयत्ता १० वीतील विद्यार्थिनीने आश्रमशाळेतील आवारात गळफास घेऊन आत्महत्या केल्याची घटना घडली आहे. कोमळ खाकर असे मृत मुलीचे नाव आहे. याप्रकरणी पोलीस तपास सुरु असून विद्यार्थ्यीनी आश्रमशाळेच्या आवारात गळफास घेते, यावेळी मुख्याध्यापक व अधिक्षक,अधिक्षीका काय करत होते? असा संतप्त सवाल उपस्थित केला जात आहे.
मिळालेल्या माहितीनुसार, शहापूर आदिवासी विकास प्रकल्प यांच्या कार्यक्षेत्रात येणाऱ्या मुरबाड तालुक्यातील मोरोशी आश्रमशाळेत कोमळ खाकर ही इयत्ता १०वीत शिकत होती. आज सकाळी गळफास घेऊन आपली जीवन यात्रा संपवली आहे. प्राथमिक तपासात मुख्यध्यापकाच्या जाचाला कंटाळून विद्यार्थिनीने आत्महत्या केली असल्याचे म्हटले जात आहे. दरम्यान या प्रकरणी पोलीस या घटनेचा तपास करत असून विद्यार्थिनीच्या आत्महत्येमागील नेमकं कारण अद्याप समोर आलेलं नाही.
महत्वाचे म्हणजे आश्रमशाळेतील वस्तीगृहात मुला, मुलींवर लक्ष देण्यासाठी एक महीला अधिक्षीका व एक पुरूष अधिक्षक या़ची शासनाकडे नेमणूक केली जाते. प्रत्येक आदिवासी आश्रमशाळेत हे नेमणूक केलेली असते, तसेच मुख्याध्यापक देखील आसतो. असे असताना आश्रमशाळेतील विद्यार्थी व विद्यार्थीनी आत्महत्या करतात कसे? मग या आश्रमशाळेतील अधिक्षीका,अधिक्षक व मुख्याध्यापक काय करतात? असा संताप जनक सवाल उपस्थित केला जात आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.