भरत मोहोळकर, साम टीव्ही, प्रतिनिधी
मुंबई विद्यापीठाच्या सिनेट निवडणुकीत ठाकरे गटाने एक हाती विजय मिळवला आहे. यानंतर आज शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांच्या निवासस्थानी मातोश्रीबाहेर एकच जल्लोष करण्यात आला.
अनेक अडथळ्यांची शर्यत पार करत झालेल्या मुंबई विद्यापीठाच्या सिनेट निवडणूकीत ठाकरे गटाच्या युवासेनेने 10 पैकी 10 जागा जिंकत भाजप आणि शिंदे गट समर्थित अभाविपचा धुव्वा उडवलाय. मात्र ही तर सुरुवात आहे. हा गुलाल विधानसभेतही उधळायचा आहे, असा निर्धार आदित्य ठाकरेंनी शिवसैनिकांसमोर केला.
दरम्यान, लोकसभा निवडणूकीत मुंबईतील 3 जागांवर ठाकरेंनी निर्विवाद वर्चस्व तर 1 जागेवर निसटता पराभव झाला होता. तर काँग्रेसने 1 जागा जिंकली. लोकसभा निवडणुकीतील मतदानानुसार महाविकास आघाडीनं 36 पैकी 21 विधानसभा मतदारसंघांमध्ये आघाडी घेतलीय. तर महायुतीला केवळ 15 जागांवर आघाडी मिळालीय. यातच मुंबईतलं सध्याचं पक्षनिहाय आमदारांचं बलाबलबद्दल माहिती जाणून घेऊ...
भाजप- 16
शिंदे गट- 6
ठाकरे गट- 8
काँग्रेस- 4
अजित पवार गट- 1
समाजवादी पक्ष- 1
विधानसभेपूर्वी झालेल्या लोकसभा निवडणुक, शिक्षक आणि पदवीधर निवडणुकीत ठाकरे गटाने विजय मिळवला. त्यातच आता सिनेट निवडणूकीतही ठाकरे गटाने पैकीच्या पैकी जागा जिंकत आपलं वर्चस्व कायम राखलंय..पदवीधर आणि शिक्षित मतदाराने ठाकरेंना कौल दिलाय. त्यामुळे महायुतीच्या आमदारांची धाकधूक वाढलीय..मात्र विजयाचा हाच स्ट्राईकरेट कायम राहिल्यास विधानसभेलाही ठाकरेच मुंबईचे किंग ठरण्याची शक्यता आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.