Nawab Malik News : माजी मंत्री व राष्ट्रवादी काँग्रेसचे नेते नवाब मलिक यांना मुंबई सत्र न्यायालयाने जामीन फेटाळला. माजी मंत्री मलिक यांचा जामीन अर्ज फेटाळल्याने त्यांना आता कोठडीतच राहावे लागणार आहे. मलिक यांचा जामीन अर्ज कोर्टाने नाकारल्याने त्यांच्या अडचणी वाढणार असल्याची शक्यता वर्तवण्यात येत आहे. मलिक सध्या कुर्ला येथील खासगी रुग्णालयात उपचार घेत आहेत (Latest Marathi News)
माजी मंत्री व राष्ट्रवादीचे नेते नवाब मलिक (Nawab Malik) यांना मुंबई सत्र न्यायालयाने जामीन अर्ज फेटाळला आहे. माजी मंत्री नवाब यांच्या जामीन अर्जावर न्यायमूर्ती रोकडे यांच्या न्यायालयात सुनावणी झाली. मात्र, मलिक यांना दिलासा मिळाला नाही. त्यामुळे त्यांचा पुढचा मुक्काम कोठडीतच असणार आहे. मात्र, मलिक सध्या कुर्ला येथील खासगी रुग्णालयात उपचार घेत आहेत.
राज्यात महाविकास आघाडीचे सरकार असताना, नवाब मलिक हे सरकारमधील मंत्री होते. त्यावेळी अंडरवर्ल्ड डॉन दाऊद इब्राहिमशी कनेक्शन असल्याच्या आरोपावरून ईडीने (ED) त्यांना 23 फेब्रुवारीला अटक केली होती.
याशिवाय कुर्ल्यातील गोवावाला कंपाऊंडमधील जमीन खरेदी ही हसीना पारकर यांच्याकडून कवडीमोल भावात विकत घेतल्याचा ईडीचा आरोप आहे. या व्यवहारात नवाब मलिक यांनी आर्थिक गैरव्यवहार केला, असा आरोपही ईडीकडून करण्यात आला. मलिक यांच्याकडून हसीना पारकर यांनी स्वीकारलेले पैसे टेरर फंडिंगसाठी दाऊदने वापरल्याचा आरोप ईडीने केला आहे.
यापूर्वी नवाब मलिक यांचा जामीन अर्ज कोर्टाने फेटाळला होता. त्यानंतर पुन्हा एकदा मलिक यांचा जामीन अर्ज कोर्टाने पुन्हा एकदा फेटाळला आहे. सुमारे पाच महिने उलटूनही तपास यंत्रणेकडून सबळ पुरावे दाखल करण्यात आले नसल्याचा दावा मलिक यांच्या वकिलांकडून करण्यात आला आहे. मात्र त्यांना अद्याप याप्रकरणात दिलासा मिळाला नाही.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
