Mumbai Rain News: मुंबईला धुवाधार पावसाचा तडाखा; सखल भागात पाणी साचण्यास सुरूवात, वाहतूक विस्कळीत

Rain News: जोरदार पावसामुळे मुंबईतील सखल भागांत देखील पाणी साचण्यास सुरूवात झालीये.
Mumbai Rain News
Mumbai Rain NewsSaam TV
Published On: 

Mumbai Monsoon News:

मुंबईत पावसाचे जोरदार पुनरागमन झाले आहे. संपूर्ण ऑगस्ट महिना कोरडा गेल्यानंतर मुंबईत कालपासून पावसाचे जोरदार पुनरागमन झाले आहे. आज दुसऱ्या दिवशी देखील सकाळपासूनच मुंबईत पावसाची धुवाधार बॅटिंग सुरू झालीये. मुंबईसह अंधेरी जोगेश्वरी, गोरेगाव,मालाड, कांदिवली, बोरिवली या उपनगरात पावसाने जोरदार हजेरी लावली आहे. जोरदार पावसामुळे मुंबईतील सखल भागांत देखील पाणी साचण्यास सुरूवात झालीये. (Latest Rain Update)

हवामान खात्याने वर्तवलेल्या अंदाजानुसार मुंबईत कालपासून जोरदार पाऊस कोसळत आहे. पश्चिम बंगालच्या सागरात कमी दाबाचा पट्टा निर्माण झाल्यामुळे मुंबईसह महाराष्ट्राच्या अनेक जिल्ह्यात मुसळधार पाऊस कोसळत आहे. मराठवाडा विदर्भ या भागांना पावसाचा येलो अलर्ट देण्यात आला असून कोकण आणि पश्चिम महाराष्ट्रात देखील जोरदार पाऊस कोसळत आहे.

Mumbai Rain News
Maharashtra Rain Update: राज्यात पावसाचं कमबॅक, पाऊस कधी पडणार? हवामान विभागाने दिली महत्वाची माहिती

मागील अर्धा तासांपासून सबवे वाहतुकीसाठी बंद

मुंबई उपनगरात मागील पाऊण तासापासून जोरदार कोसळणाऱ्या पावसामुळे उपनगरातील अनेक सखल भाग हे पाण्याखाली गेल्याचे देखील पाहायला मिळत आहे. अंधेरी पूर्व आणि पश्चिमेला जोडणारा अंधेरी सबवे जलमय झाला आहे. अंधेरी सबवेत तीन ते चार फूट पाणी भरल्यामुळे अंधेरी सबवे आज सुद्धा वाहतुकीसाठी बंद करण्यात आला आहे.

मुंबई महानगरपालिकेचे कर्मचारी आणि मुंबई वाहतूक पोलीस या ठिकाणी प्रत्यक्ष स्वतः उभे राहून नागरिक आणि वाहन चालकांना सबवेतून जाण्यास मनाई करत असल्याचे चित्र यावेळी पाहायला मिळत आहे. काल देखील मुसळधार पावसामुळे अंधेरी सबवे वाहतुकीसाठी तासभर बंद करण्यात आला होता.

Mumbai Rain News
September Rain Forecast : शेतकऱ्यांसाठी दिलासादायक बातमी, सप्टेंबरमध्ये पावसाचं जोरदार कमबॅक? IMD ची महत्त्वाची माहिती

मुंबईकरांची वर्ष भराची पाण्याची चिंता मिटली

मुंबईला पाणीपुरवठा करणारा मोडकसागर दुसऱ्यांदा ओव्हर फ्लो झाला आहे. मुंबईकरांची वर्षभराची पाण्याची चिंता मिटली आहे. गेल्या दोन दिवसांपासून शहापूर तालुक्यात पावसाने दमदार हजेरी लावल्याने आज सकाळ मुंबईत पाणी पुरवठा करणारे मध्य वैतरणा धरण ओव्हर फ्लो झाले आहे. मुंबईला पाणी पुरवठा करणारे मोडकसागर हे दुसरे धरण देखील ओव्हर फ्लो झाले आहे. या धरणाचे दोन स्वयम चलित दरवाजे उघडण्यात आले असून या मधून 13867 क्यूसेकने पाण्याचा विसर्ग सुरू आहे. वाडा, पालघर, वसई, तालुक्यातील नदी काठी असलेल्या गावांना सतर्कतेचा इशारा देण्यात आला आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.