Mumbai Pune : मुंबई-पुणे महामार्गावर वाहतूककोंडी, १० किमीपर्यंत वाहनांच्या रांगा, पर्यायी मार्ग कोणते?

Mumbai Pune Expressway traffic jam : महाबळेश्वर, गोवा आणि सातारा या पर्यटनस्थळांकडे जाणाऱ्या वाहनांमुळे मुंबई-पुणे द्रुतगती महामार्गावर प्रचंड वाहतूक कोंडी; पोलिसांनी NH-48 सारख्या पर्यायी मार्गांचा वापर करण्याचा दिला सल्ला.
Mumbai Pune Expressway
Mumbai Pune ExpresswaySaam TV News
Published On

Mumbai Pune Expressway : सलग आलेल्या सुट्ट्यांमुळे मुंबई-पुणे एक्स्प्रेसवेवर मोठ्या प्रमाणात वाहतूक कोंडी झाली आहे. पुण्याकडे जाणाऱ्या लेनवर वाहनांच्या लांबच लांब रांगा लागल्या आहेत. त्यामुळे महामार्गावर वाहतूक ठप्प झाली आहे. सुमारे १० किलोमीटरपर्यंत वाहनांच्या रांगा लागल्या आहेत. वाहतूककोंडीमुळे (Traffic updates Mumbai Pune highway) प्रवाशांना प्रचंड त्रास सहन करावा लागत आहे. खंडाळा घाट आणि लोणावळा परिसरात ही कोंडी विशेषतः जास्त आहे. लागोपाठ सुट्ट्या आल्यामुळे महाबळेश्वर, पाचगणी आणि गोवा यांसारख्या पर्यटनस्थळांकडे जाणाऱ्या वाहनांची संख्या वाढल्याने हा त्रास निर्माण झाला आहे.

पोलिसांनी प्रवाशांना शक्यतो पर्यायी मार्ग, जसे की जुना मुंबई-पुणे मार्ग (NH-48), वापरण्याचा सल्ला दिला आहे. तसेच, वाहतूक नियमांचे पालन करून वाहनांची देखभाल करूनच प्रवासाला निघावे, असे आवाहन केले आहे. सोशल मीडियावरही प्रवाशांनी नाराजी व्यक्त करत, कोंडीमुळे २-३ तासांचा विलंब होत असल्याचे सांगितले. वाहतूक सुरळीत होण्यासाठी पोलिस आणि महामार्ग प्रशासन प्रयत्नशील आहे.

Mumbai Pune Expressway
Pune : पुण्यातून धावणार वंदे भारत स्लीपर, तिकीट किती, थांबा कुठे? जाणून घ्या डिटेल्स

लागोपाठ सुट्ट्या, त्यात उन्हाळी सुट्ट्यांच्या निमित्ताने पर्यटकांच्या खासगी वाहनांमुळे मुंबई-पुणे द्रुतगती महामार्गावर (यशवंतराव चव्हाण एक्स्प्रेसवे) वाहतूक कोंडी झाली. खंडाळा घाट ते खालापूर दरम्यान ८ ते १० किलोमीटर लांबीच्या वाहनांच्या रांगा लागल्या आहेत. महाबळेश्वर, पाचगणी, सातारा, गोवा यांसारख्या पर्यटनस्थळांकडे निघालेल्या प्रवाशांमुळे ही परिस्थिती उद्भवली आहे. काही मिनिटांचे अंतर पार करण्यास तासंतास लागत आहेत.

Mumbai Pune Expressway
Gold Price: महिन्याच्या पहिल्याच दिवशी सोन्याच्या दरात मोठी घसरण, वाचा आजचे दर

महामार्ग पोलिसांनी वाहतूक कोंडी सोडवण्यासाठी तातडीने उपाययोजना सुरू केल्या आहेत. खालापूरपासून पर्यायी मार्ग उपलब्ध आहे, तर लोणावळ्यापासून वाहतूक जुन्या मुंबई-पुणे महामार्गावर (NH-48) वळवण्यात आली आहे. खंडाळा आणि बोरघाट पोलीस प्रशासनाने मुंबईकडे जाणारी वाहने तात्पुरते थांबवून पुण्याकडे येणाऱ्या वाहनांसाठी सर्व सहा लेन खुल्या केल्या आहेत. तरीही, वाहनांची संख्या प्रचंड असल्याने कोंडी सुट वाहतूक सुरळीत होण्यास वेळ लागत आहे.

गुगल मॅप्सनुसार, खोपोली ते लोणावळा दरम्यान वाहतूक संथ गतीने पुढे सरकत आहे. पोलिसांनी प्रवाशांना पर्यायी मार्ग वापरण्याचे आणि वाहतूक नियम पाळण्याचे आवाहन केले आहे.

Mumbai Pune Expressway
Pune : पुणेकरांना मोठं गिफ्ट, सिंहगड रोड उड्डाणपुलाचे लोकार्पण, वाहतूक कोंडीतून सुटका होणार

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com