संजय गडदे
मुंबईत गणेशोत्सवाची जोरदार तयारी सुरु झाल्याचं पाहायला मिळत आहे. सर्वच मोठी मंडळे आता गणेशोत्सवासाठी सज्ज झाली आहेत. गणपती विराजमान होण्याआधीच अंधेरीचा राजा गणेशोत्सव मंडळ चर्चेत आलं आहे.
अंधेरीचा राजा गणपतीची नवसाला पावणारा गणपती अशी ख्याती आहे. आझादनगर सार्वजनिक उत्सव समितीच्या गणपती दर्शनासाठी येणाऱ्या भक्तांची संख्या मोठी आहे. मात्र गपणतीच्या दर्शनाला येणाऱ्या भक्तांसाठी मंडळाने ड्रेसकोड जारी केल्याने नव्या वादा तोंड फुटण्याची शक्यता आहे. (Mumbai News)
मागील वर्षीही मंडळाने भक्तांसाठी ड्रेसकोड जारी केला होता. यंदाही भक्तांना जीन्स पॅन्ट, हाफ पॅन्ट आणि शॉर्ट स्कर्ट घालून येण्यास मनाई करण्यात आली आहे.
मागील 58 वर्षापासून अंधेरी पश्चिमेकडील आझादनगर परिसरात या गणपतीची स्थापना केली जाते. मागील वर्षी याच मुद्द्यावरून मोठा वादंग निर्माण झाला होता. मंडळाच्या या निर्णयाला अनेक संघटनांकडून विरोधी झाला. मात्र मंडळ आपल्या या निर्णयावर ठाम आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.