Mumbai Metro service on 31st December Night: नववर्षाच्या स्वागतासाठी ३१ डिसेंबरच्या रात्री मुंबईकर मोठ्या संख्येने घराबाहेर पडतात. पार्टी, कार्यक्रम आणि मित्र–परिवारासोबत सेलिब्रेशननंतर मध्यरात्री किंवा पहाटे घरी परतणं अनेकदा कठीण ठरतं. हीच अडचण लक्षात घेऊन मुंबई मेट्रो रेल कॉर्पोरेशन (MMRC) ने मुंबईकरांसाठी एक दिलासादायक निर्णय घेतला आहे. नववर्षाच्या स्वागतासाठी मेट्रो-३ म्हणजेच ‘ॲक्वालाईन’ रात्रभर सुरू ठेवण्याचा निर्णय घेण्यात आला आहे.
MMRC कडून देण्यात आलेल्या माहितीनुसार, ३१ डिसेंबर २०२५ रोजी रात्री १०:३० वाजल्यापासून ही विशेष मेट्रो सेवा सुरू होणार असून, १ जानेवारी २०२६ रोजी पहाटे ५:५५ वाजेपर्यंत मेट्रोच्या विशेष फेऱ्या चालू राहतील. त्यानंतर कोणताही खंड न पडता १ जानेवारीची नियमित मेट्रो सेवा सकाळी ५:५५ वाजल्यापासून सुरू होईल. म्हणजेच, ३१ डिसेंबरच्या रात्रीपासून ते १ जानेवारीच्या सकाळपर्यंत मुंबईकरांना सलग मेट्रो सेवा उपलब्ध असेल.
दरवर्षी थर्टी फर्स्टच्या रात्री मुंबईत मोठ्या प्रमाणावर गर्दी होते. रस्त्यांवर वाहतूक कोंडी, टॅक्सी–रिक्षांची कमतरता आणि भाडेवाढ यामुळे प्रवाशांचे हाल होतात. अशा परिस्थितीत मेट्रो रात्रभर सुरू राहिल्याने वाहतूक कोंडी कमी होण्यास मदत होणार असून प्रवाशांचा प्रवास अधिक सुलभ आणि सुरक्षित होणार आहे.
विशेषतः महिला, ज्येष्ठ नागरिक आणि कुटुंबांसाठी हा निर्णय अत्यंत दिलासादायक आहे. सुरक्षित, जलद आणि विश्वासार्ह प्रवासाचा पर्याय उपलब्ध झाल्याने नववर्ष साजरं करताना मुंबईकरांना प्रवासाची चिंता करण्याची गरज भासणार नाही. तसेच, खासगी वाहनांचा वापर कमी झाल्याने अपघातांचे प्रमाणही घटण्याची शक्यता आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.