Mumbai Local: मध्य रेल्वेची वाहतूक विस्कळीत, लोकल २० मिनिटं उशिराने; मुंबईकरांचे प्रचंड हाल

Mumbai Local Train: आठवड्याच्या दुसऱ्या दिवशी मध्य रेल्वेची वाहतूक विस्कळीत झाली आहे. लोकलसेवा २० मिनिटं उशिराने धावत आहे. त्यामुळे प्रवाशांचे प्रचंड हाल होत आहे. सर्वच रेल्वे स्थानकांवर प्रवाशांची मोठी गर्दी झाली आहे.
Mumbai Local: मध्य रेल्वेची वाहतूक विस्कळीत, लोकल २० मिनिटं उशिराने; मुंबईकरांचे प्रचंड हाल
Mumbai Local Train NewsSaam Tv
Published On

मध्य रेल्वेची वाहतूक विस्कळीत झाली आहे. मध्य रेल्वे मार्गावरील अप आणि डाऊन मार्गावरील लोकलसेवा १५ ते २० मिनिटं उशिराने सुरू आहे. त्यामुळे आठवड्याच्या दुसऱ्या दिवशी मुंबईकरांचे चांगलेच हाल होत आहे. ऐन गर्दीच्या वेळी लोकल उशिराने धावत असल्यामुळे सर्वच रेल्वे स्थानकांवर प्रचंड गर्दी झाली आहे. लोकलमध्ये प्रवाशांना चढता येत नाही त्यामुळे आजही त्यांना ऑफिसला पोहचायला उशिर होत आहे.

मध्य रेल्वेच्या कुर्ला रेल्वे स्थानकावर सोमवारी रात्रीच्या सुमारास ओव्हर हेड वायर तुटली होती. त्यामुळे सीएसएमटीकडे जाणारी अप जलद मार्गावरील वाहतूक विस्कळीत झाली होती. मध्य रेल्वेकडून तात्काळ दुरूस्तीचे काम करण्यात आले. प्रवाशांना त्रास होऊ नये यासाठी मुलुंड आणि दादर रेल्वे स्थानकांदरम्यान अप फास्ट मार्गावरील लोकल अप स्लो मार्गावर वळवण्यात आल्या होत्या. लोकल वाहतूक विस्कळीत झाल्यामुळे लोकल एकामागे एक थांबल्या होत्या. त्याचा परिणाम आता सकाळपासून देखील पाहायला मिळत आहे.

Mumbai Local: मध्य रेल्वेची वाहतूक विस्कळीत, लोकल २० मिनिटं उशिराने; मुंबईकरांचे प्रचंड हाल
Mumbai : निदर्यी नातवानं कॅन्सरग्रस्त आजीला कचऱ्याच्या ढिगात फेकलं, मुंबईतील माणुसकीला काळिमा

सोमवारी रात्री सव्वा दहा वाजताच्या सुमारास ओव्हरहेड वायर तुटली होती. कुर्ला आणि सायन स्थानकादरम्यान ओव्हरहेड वायर तुटली होती. त्यामुळे आसनगाव, कर्जत आणि कल्याणकडे जाणाऱ्या लोकल वाहतूक विस्कळीत झाली होती. लोकलसेवा रात्री उशिराने धावत होत्या. अनेक स्थानकांवर प्रवाशांची मोठी गर्दी झाली होती. त्यामुळे कामावरून घरी जाणाऱ्या प्रवाशांचे प्रचंड हाल झाले. त्यांना घरी जाण्यासाठी खूपच उशिर झाला. लोकलसेवा उशिराने धावत असल्यामुळे लोकलमध्ये देखील गर्दी प्रचंड होती.

Mumbai Local: मध्य रेल्वेची वाहतूक विस्कळीत, लोकल २० मिनिटं उशिराने; मुंबईकरांचे प्रचंड हाल
Mumbai Local Train: कुर्ला स्थानकात ओव्हर हेड वायर तुटली, मध्य रेल्वेची वाहतूक खोळंबली, मुंबईकरांचे भर पावसात हाल

रात्री कामावरून घरी जाणाऱ्या प्रवाशांची गैरसोय टाळण्यासाठी मध्य रेल्वे मार्गावर इतर लोकल प्लॅटफॉर्म क्रमांक ४ वर वळवण्यात आल्या. स्लो ट्रॅकवरून लोकल चालवण्यात आल्या होत्या. दरम्यान, ४० मिनिटांत ओव्हरहेड वायर दुरुस्तीचे काम करण्यात आले होते. पण तरी देखील रात्री उशिरापर्यंत लोकलसेवा उशिरानेच सुरू होत्या. त्यामुळे प्रवाशांचे प्रचंड हाल झाले.

Mumbai Local: मध्य रेल्वेची वाहतूक विस्कळीत, लोकल २० मिनिटं उशिराने; मुंबईकरांचे प्रचंड हाल
Mumbai Rain : मुंबईकरांनो काळजी घ्या! मुंबईवर दुहेरी संकट, पुढील ५ दिवस धोक्याचे

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com