Mumbai Local Train: तिन्ही मार्गांवर रेल्वे सेवा विस्कळीत; पावसामुळे चाकरमानी रडकुंडीला

Mumbai Rain Local Train News: राज्यात आज अनेक जिल्ह्यांना रेड अलर्ट जाहीर करण्यात आला आहे. मुंबईत कालपासून मुसळधार पाऊस सुरुच आहे. पावसामुळे मुंबईकरांची पुरती दाणादाण झालीये. पावसामुळे मुंबईची लाईफलाईन लोकल सेवा विस्कळीत झाली आहे. सकाळपासूनच चाकरमान्यांचे हाल होत आहेत. (Latest Local Train News)

मुंबईत पावसामुळे सकाळपासूनच रेल्वे (Local Train) सेवेवर फटका बसला आहे. पावसामुळे अनेक स्थानकांत रेल्वे रुळांवर पाणी साचलंय. यामुळे तिन्ही मार्गांवरील रेल्वे सेवा उशिराने आहे. पश्चिम रेल्वेची वाहतूक २० ते २५ मिनीचे उशिराने सुरू आहे. तर मध्य रेल्वे १२ ते १५ मिनीटे उशिरा आहे. यासह हर्बल रेल्वे १५ ते २० मिनीटे उशिराने सुरू आहे.

अमरावती जिल्ह्यात गेल्या २४ तासापासून मुसळधार पाऊस सुरूच आहे. काही ठिकाणी ढगफुटी सदृश्य पाऊस (Rain) पडला असल्याने शेतीचे मोठे नुकसान झाले आहे. धामणगाव तालुक्यात संत्रीच्या बागांना तालावाचे स्वरूप आल्याने संत्राच्या आंबिया बहाराचे मोठे नुकसान होताना दिसून येत आहे.

मुंबईसह (Mumbai) आजूबाजूच्या परिसराला गुरूवारी मुसळधार पावसाने अक्षरश: झोडपून काढलं. शुक्रवारी हवामान खात्याने राज्यातील ७ जिल्ह्यांना पावसाचा रेड अलर्ट दिला आहे. मुंबईसह ठाण्यात देखील मुसळधार पाऊस कोसळत आहे. अनेक ठिकाणी पाणी भरल्याने नागरिकांचे हाल होतायत. घरात पाणी शिरल्याने नागरिकांना निवाऱ्यासाठी दुसरे ठिकाण शोधावे लागत आहे.