Mumbai hit and run case: मुंबईत पुन्हा हिट अँड रन; नशेत धुंद असलेल्या कारचालकाने दोघांना चिरडलं, मुलाचा जागीच मृत्यू

Drunk driving accident Mumbai: वडाळ्यात हिट अँड रनची धक्कादायक घटना घडली आहे. मद्यधुंद अवस्थेत असलेल्या चालकाने चारचाकी महिला आणि चिमुकल्याच्या अंगावरून नेली. यात मुलाचा जागीच मृत्यू झालाय.
Hit and run
Hit and runSaam Tv News
Published On

मुंबईत अपघातांचे सत्र सुरूच आहे. मुंबईतील वडाळ्यात हिट अँड रनची घटना घडली आहे. घरासमोर महिला आणि त्यांचा लहान मुलगा झोपला होता. मात्र, भरधाव वेगाने येणाऱ्या चारचाकी वाहनानं दोघांना चिरडलं.

चालक दारूच्या नशेत होता. या घटनेत तीन वर्षीय मुलाचा जागेवरच मृत्यू झाला आहे. तर, जखमी महिलेवर रूग्णालयात उपचार सुरू आहेत. पोलिसांनी तपास करून फरार आरोपीला ताब्यात घेतलंय.

Hit and run
IND vs PAK Toss Record: पाकिस्तानविरोधात टॉस हरला, रोहितच्या नावावर नकोसा विक्रम

नेमकं काय घडलं?

मिळालेल्या माहितीनुसार, जखमी महिला प्रिया लोंढे या रात्रीचे जेवण तयार करून आपल्या घराबाहेर मोकळ्या जागेत बसल्या होत्या. त्यांच्यासोबत त्यांचा मुलगाही होता. दोघेही बाहेर झोपले होते. काही वेळानंतर भरधाव वेगानं कार आली. कारनं रस्त्यावर झोपलेल्या महिला आणि मुलाला चिरडलं.

Hit and run
Crime News: भयानक! दारू प्यायला, बंद खोलीत बलात्कार केला; बेशुद्ध अवस्थेत आढळली चिमुकली

चालक मद्यधुंद अवस्थेत असल्याची माहिती समोर आली आहे. नंतर कार चालक फरार झाला. कारनं चिरडल्यानंतर चिमुकल्याचा जागीच मृत्यू झाला तर, महिला गंभीर जखमी झाली आहे. स्थानिक नागरीकांनी धाव घेत महिला आणि मुलाला रूग्णालयात नेलं. मात्र, डॉक्टरांनी मुलाला मृत घोषित केलं.

तर, महिलेवर रूग्णालयात उपचार सुरू आहेत. घटनेची माहिती मिळताच पोलिसांनी घटनास्थळी धाव घेतली. महिलेने कारचालकाविरोधात पोलीस ठाण्यात तक्रार दाखल केली.

किडवाई मार्ग पोलिसांनी तपास करून आरोपीला ताब्यात घेतलं असून, त्याच्याविरोधात गुन्हा दाखल करण्यात आला आहे. तसेच पुढील तपास पोलीस करीत आहेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com