मानखुर्द–कुर्ला दरम्यान रेल्वेखाली अज्ञात व्यक्तीचा मृत्यू
गोवंडी–चेंबूरदरम्यान घडली ही दुर्घटना
हार्बर मार्गावरील वाहतूक १० ते १५ मिनिटे विस्कळीत
वाशी–सीएसटी गाड्यांवर परिणाम, प्रवाशांचे हाल
सूरज म्हसूरकर, मुंबई
मुंबईत मोठी दुर्घटना घडली आहे. हार्बर मार्गावरील मानखुर्द् वरून कुर्ल्याच्या दिशेला जाताना गोवंडी चेंबूर दरम्यान एका अज्ञात व्यक्तीचा गाडी खाली येऊन मृत्यू झाल्याची घटना घडली आहे. या घटनेनंतर हार्बर मार्गावरील वाहतूक गेले १० ते १५ मिनिटे रेल्वे विस्कळीत झाली आहे. त्यामुळे वाशीकडून सीएसटीकडे जाणाऱ्या गाड्यांवर परिणाम झाला आहे.
मिळालेल्या माहितीनुसार, आज सकाळच्या सुमारास हार्बर मार्गावरील मानखुर्द् वरून कुर्ल्याच्या दिशेला गोवंडी चेंबूर दरम्यान एका अज्ञात तरुणाचा भयंकर अपघात घडला आहे. रेल्वेखाली येऊन या तरुणाचा अपघात झाला असल्याची माहिती समोर आली आहे. या तरुणाचा अपघातादरम्यान मृत्यू झाला आहे. या अपघातानंतर हार्बर रेल्वेवरील लोकल १० ते १५ मिनिटे उशिराने धावत आहे.
अपघातात मृत पावलेला तरुण नेमका कोण आहे? त्याचा अपघात झाला की आत्महत्या आहे याची माहिती अद्यापही समोर आलेली नाही. घडलेल्या घटनेने मुंबईच्या दिशेने येणाऱ्या नोकरदार वर्गाला मात्र त्याचा फटका बसला आहे. तसेच लोकलमधील प्रवाशांचा खोळंबा झाला असून. घटनास्थळी पोलीस तपास करत आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.