Sakinaka Fire: मुंबईतील साकीनाका परिसरात कारखान्याला आग, अग्निशमन दलाचे ८ वाहने घटनास्थळी

आवेश तांदळे, मुंबई

Mumbai Sakinaka Fire:

मुंबईत दिवसभरात आगीची दुसरी घटना समोर आली आहे. मुंबईतील लोअर परळला आग लागल्यानंतर आता साकीनाक्यात आगीची घटना घडली आहे. साकीनाका परिसरातील एका कारखान्याला आग लागली आहे. या आगीची माहिती मिळताच अग्निशमन दलाच्या ८ गाड्या घटनास्थळी पोहोचल्या. अग्निशमन दलाच्या जवानांनी कारखान्याला लागलेल्या आगीवर नियंत्रण मिळवलं आहे. (Latest Marathi News)

मिळालेल्या माहितीनुसार, मुंबईतील (Mumbai Fire) साकीनाका परिसरात कारखान्याला आग लागली. सोमवारी दुपारच्या वेळेस ही आग लागल्याची माहिती मिळत आहे. अग्निशमन दलाला घटनेची माहिती मिळताच ८ गाड्या घटनास्थळी दाखल झाल्या आहेत. मुंबईतील साकीनाका परिसरातील सलीम स्टेट नावाच्या कारखान्यात आग लागली.

अग्निशमन दलाच्या जवानांनी या या आगीवर नियंत्रण मिळवलं आहे. या संपूर्ण घटनेत अद्याप कोणतीही जीवितहानी झाल्याचे वृत्त नाही,अशी माहिती अग्निशमन दलाने दिली आहे. आगीचे मुख्य कारण शॉक सर्किट असल्याचे सांगण्यात येत आहे.

मुंबईत फिनिक्स मॉलला आग

मुंबईच्या लोअर परळ येथील फिनिक्स मॉलला सोमवारी दुपारी १ वाजण्याच्या सुमारास आग लागल्याची घटना घडली. फिनिक्स मॉलमधील पार्किंगमध्ये ही आग लागली. या आगीत पार्किंगमधील २५ ते ३० दुचाकी जळून खाक झाल्या.

या आगीच्या घटनेनंतर परिसरात एकच खळबळ उडाली. या पार्किंगला नेमकी आग कशी लागली, याबाबत कोणतीही माहिती समोर आली नाही. आगीत कोणत्याही जीवितहानी झाली,नसल्याची माहिती आहे.