Mumbai Crime : केक खरेदीसाठी आला अन् मोबाईल चोरून गेला; घटना सीसीटीव्ही कॅमेऱ्यात कैद

एक व्यक्ती केक घेण्याचे नाटक करून दुकानदार महिलेचा फोन घेऊन फरार झाला आहे.
Mumbai Crime
Mumbai CrimeSaam Tv

संजय गडदे

Mumbai Crime : मुंबईत चोरीच्या घटनांचे प्रमाण सातत्याने वाढत चालले आहे. अनेक ठिकाणी साखळी चोरांची टोळी सक्रिय झाली आहे. या चोरट्यांपासून स्वत:चा बचाव करणे सामान्य नागरिकांसाठी चिंतेची बाब बनली आहे. मुंबईच्या वाकोला येथे अशीच एक चोरीची घटना समोर आली आहे. या घटनेत एक व्यक्ती केक घेण्याचे नाटक करून दुकानदार महिलेचा फोन घेऊन फरार झाला आहे. महिलेने या बाबत पोलीस ठाण्यात तक्रार दाखल केली असून चोरट्याचा शोध सुरू आहे. (Latest Mumbai Crime News)

मुंबईच्या वाकोला पोलीस ठाण्याच्या हद्दीतील एका केक शॉपमध्ये केक खरेदीसाठी आलेल्या तरुणाने मोबाईल चोरी केल्याची घटना सीसीटीव्हीमध्ये कैद झाली आहे. सांताक्रुज पूर्वेकडील प्रभात कॉलनी येथील केक शॉपमध्ये ही घटना घडली आहे.सोमवारी ही घटना घडली असून वीरेंद्र पांडे या ट्विटर वापरकर्त्याने घटनेचा सीसीटीव्ही व्हिडिओ मुंबई पोलिसांना दिला आहे.

Mumbai Crime
Crime News : बाबो! 6 मुलांच्या बापाने केलं एका तृतीयपंथाशी लग्न; पत्नीला सोबत केलं भयकंर कृत्य

या सीसीटीव्ही फुटेजमध्ये तो तरुण दुकानदार महिलेकडे केकची मागणी करत आहे. यावेळी त्यांच्यात झालेले संभाषण देखील स्पष्टपणे ऐकायला मिळत आहे. आरोपी त्या महिलेसोबत बोलत असताना तो ग्राहक आपल्या पतीच्या ओळखीतला असावा असा समज महिला दुकानदाराचा झाला. शेवटी केक खरेदी करून झाल्यानंतर त्या तरुणाने महिलेकडे मोबाईल मागितला आणि खरेदी केलेला केक जागेवर ठेवूनच तो दोन मिनिटात पुन्हा येतो असे सांगून मोबाईल घेऊन गायब झाला. ही सर्व घटना दुकानात असलेल्या सीसीटीव्ही फुटेजमध्ये स्पष्टपणे दिसून येत आहे.

Mumbai Crime
Crime News : रेल्वे स्टेशनवर आला अन् पोलिसांच्या जाळ्यात अडकला; अल्पवयीन मुलीला पळवून नेणारा अखेर गजाआड

मुंबईसह पुण्यात देखील चरीच्या घटनांचे प्रमाण वाढत चालले आहे. ६ मार्च रोजी पुणे पीएमपी बसमधून एका महिला प्रवाशाच्या पर्समधून चोरट्यांनी सुमारे एक लाख ६५ हजार रुपयांचे दागिने लांबवल्याची घटना घडली होती. कात्रज ते गाडीतळ हडपसर प्रवासादरम्यान हा प्रकार घडला असून याबाबत हडपसर पोलिस स्टेशनमध्ये तक्रार दाखल करण्यात आली आहे. पोलीस या चोरट्यांचा शोध घेत आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com