Mumbai News: संतापजनक! वर्गात कुणी नसताना शिक्षकाचं विद्यार्थिनीसोबत घाणेरडं कृत्य, आरोपी शिक्षकाला बेड्या

मुंबई : मुंबईत शिक्षकाने विद्यार्थिनीचा विनंयभंग केल्याचा संतापजनक प्रकार उघडकीस आला आहे. मुंबईच्या ना.म. जोशी मार्ग परिसरात १३ वर्षीय विद्यार्थीनीचा शाळेच्या शिक्षकानेचं विनयभंग केल्याची घटना समोर आली आहे. आरोपी शिक्षकाला पोलिसांनी बेड्या ठोकल्या आहेत.

वरळीतील एका नामांकित हायस्कूलमध्ये पीडित मुलगी शाळा शिक्षण घेत आहे. पीडित मुलीला शिक्षकाने संस्कृत वाचनाच्या नाटकात निवड करण्यासाठी शाळेत बोलावले होते. पीडित मुलगी शाळेत एकटी असताना शिक्षकाने तिच्यासोबत अश्लील चाळे सुरु केले.

या घटनेची माहिती पीडित मुलीने कुटुंबियांना दिली. त्यानंतर संतापलेल्या पालकांनी थेट ना.म.जोशी मार्ग पोलिस ठाण्यात धाव घेतली. पीडितेने दिलेल्या तक्रारीनुसार ना.म. जोशी मार्ग पोलिसांनी कलम 354 भा.द.वि. सह कलम 8,12 पोक्सो अॅक्ट अंतर्गत आरोपी शिक्षक अभिप्राय पारकर विरोधात गुन्हा दाखल करून त्याला अटक केली आहे.या प्रकरणी पोलिस अधिक तपास करत आहेत.