Mumbai Crime : मोलकरणीनेच मारला घरातील दागिन्यांवर डल्ला; लाखोंचा मुद्देमाल केला लंपास

संजय गडदे

Mumbai Crime News : मुंबईच्या कांदिवलीमधील अनुजा जयेश मोदी यांच्या घरात काम करणाऱ्या मोलकरणीने लाखो रुपये किंमतीचा ऐवज चोरल्याची घटना उघडकीस आली आहे. दीपिका पवार असे या मोलकरणीचे नाव असून, कांदिवली पोलिसांनी अवघ्या 24 तासात तिला अटक करून संपूर्ण मुद्देमाल हस्तगत केला आहे.

गुन्हा दाखल झाल्यापासून अवघ्या 24 तासात पोलिसांनी (police) आरोपी मोलकरणीस मीरा रोड परिसरातून अटक (Arrest) केली आहे. मिळालेल्या माहितीनुसार, तक्रारदार अनुजा जयेश मोदी या कांदिवली पश्चिम महावीर नगर येथे कुटुंबासह राहतात. अनेक महिन्यांपासून दीपिका पवार नावाची महिला तक्रारदार यांच्या घरी घरकाम करते. (Crime News)

कपाटातून 7 लाख 58 हजार 500 रुपयांचे दागिने चोरीला गेल्याची तक्रार अनुजाने कांदिवली पोलिस ठाण्यात दिली. या घटनेची नोंद करून कांदिवली पोलिसांनी चोरट्याचा शोध सुरू केला. पोलिसांच्या संशयाची सुई त्यांची मोलकरीण दीपिका पवार हिच्यावर गेली. पोलिसांनी दीपिका पवार मीरा भाईंदर हिच्या घरी जाऊन झडती घेतली असता चोरीतील सर्व मुद्देमाल जप्त करण्यात आला. पोलिसांनी दीपिका पवारला चोरीच्या आरोपाखाली अटक केली आहे.