Aslam Shaikh News: 'दोन दिवसांत उडवणार', माजी मंत्री अस्लम शेख यांना जीवे मारण्याची धमकी

>> संजय गडदे

Aslam Shaikh Death Threat News:

माजी मंत्री आणि काँग्रेसचे मालाड मालवणी विधानसभेचे आमदार अस्लम शेख यांना जीवे मारण्याची धमकी मिळाली आहे. अस्लम शेख यांना 5 ऑक्टोबर रोजी सकाळी साडेदहा वाजता मोबाईल फोनवर एक कॉल आला आणि दोन दिवसात आमदार अस्लम शेख यांना उडवून देण्याची धमकी दिली.

धमकीचा फोन करणाऱ्या व्यक्तीने स्वतःची ओळख गॅंगस्टर गोल्डी ब्रार म्हणून सांगितली आहे. हा फोन अस्लम शेख यांचे पीए विक्रम कपूर नावाच्या व्यक्तीने उचलला.

धमकी दिल्यानंतर विक्रम कपूर यांनी बांगूर नगर पोलीस ठाण्यात धमकी देणाऱ्या व्यक्तीविरोधात एफआयआर दाखल केला आहे.  (Latest Marathi News)

पोलीस सूत्रांनी दिलेल्या माहितीनुसार, हा फोन कॅनडातून आला होता. सध्या बांगूर नगर पोलीस या प्रकरणाचा तपास करत आहेत. अस्लम शेख यांना जीवे मारण्याची धमकी मिल्यानंतर त्यांच्या सुसरक्षेत वाढ केली जैनयाची शक्यता आहे.

गोल्डी ब्रार हा गँगस्टर लॉरेन्स बिश्नोई यांच्या अत्यंत जवळचा असून सध्या तो फरार आहे. त्यामुळे गोल्डी ब्रार पोलिसांच्या रडारवर आहे यापूर्वी गोल्डी याने बॉलीवूड स्टार सलमान खान यालाही जीवे मारण्याची धमकी दिली होती. याप्रकरणीही पोलीस तपास करत आहेत.