मुंबईकरांचा प्रवास सुसाट होणार; 2 नवीन मेट्रो मार्ग आजपासून सेवेत, स्थानकं अन् तिकीट किती?

mumbai metro : दोन नवीन मेट्रो मार्गामुळे मुंबईकरांचा प्रवास सुसाट होणार आहे. नवीन मार्गावरील मेट्रोचे तिकीट दर किती असेल, जाणून घ्या.
Mumbai metro
Mumbai newsSaam tv
Published On
Summary

मुंबईत दोन नवीन मेट्रो मार्ग आजपासून सुरू

मुंबईतील अंधेरी–मीरा भाईंदर आणि मंडाळे–डायमंड गार्डन मार्गांचा समावेश आहे.

नवीन मेट्रो मार्गामुळे प्रवास अधिक जलद होणार

मुंबई उपनगरातील नागरिकांचा प्रवास सुसाट होणार आहे. दोन नवीन मेट्रो आजपासून सेवेत उपलब्ध होणार आहेत. या नवीन मेट्रो सेवेमुळे मुंबईकरांची वाहतूक कोंडीतून सुटका होणार आहे. मुंबई उपनगरातील नागरिकांचा अंधेरी पूर्व ते मीरा भाईंदर, मंडाळे–डायमंड गार्डन या मार्गावरील प्रवास वेगवान होणार आहे. या मार्गावर नेमके किती स्थानक आणि तिकीट दर किती आहेत, जाणून घेऊयात.

मुंबई उपनगरात नवीन दोन मार्ग सेवेत उपलब्ध झाल्याने नागरिकांना मोठा दिलासा मिळाला आहे. नवीन मेट्रोमुळे अंधेरी पूर्व ते मीरा भाईंदर (काशिगाव)दरम्यान थेट मेट्रो प्रवास शक्य होणार आहे. तर चेंबूरमधून मानखुर्दपर्यंत वाहतूक कोंडीविना वेगवान पोहोचता येणार आहे. हार्बर मार्गाजवळील परिसरात राहणाऱ्यांनाही मेट्रोची सुविधा मिळणार आहे.

Mumbai metro
Thane-Borivali Travel: ठाण्यावरून बोरीवलीला फक्त १५ मिनिटांत पोहचा, दुहेरी बोगदा ठरणार गेमचेंजर; काय आहेत वैशिष्ट्ये?

मेट्रो लाईन ७ आणि लाईन ९ एकत्रितपणे चालवल्यामुळे प्रवाशांचा वेळ वाचणार आहे. तसेच या नागरिकांचा प्रवास अधिक जलद आणि सोयीस्कर होणार आहे. तसेच मुंबई उपनगरमधील मेट्रो लाईन २ ए आणि लाईन ७ आता स्वतंत्रपणे चालवण्यात येणार आहेत. मेट्रोच्या वेळापत्रकानुसार गर्दीच्या वेळेत ५ ते ६ मिनिटांत मेट्रो उपलब्ध होणार आहे. तर इतर वेळेत मेट्रो ८ ते १० मिनिटांत उपलब्ध होईल. यामुळे प्रवाशांची प्रतीक्षा वेळ कमी होणार आहे.

नवीन मेट्रोमुळे काय फायदा होणार?

नवीन मेट्रोमुळे अंधेरी ते काशिगाव थेट प्रवास होणार आहे. तर नवीन भागांना मेट्रो कनेक्टिव्हिटी मिळणार आहे. मेट्रोसाठी प्रतीक्षा करण्याची वेळ देखील कमी असणार आहे. मेट्रोमुळे जलद आणि आरामदायी प्रवास होणार आहे. तर सोपे आणि सुधारित वेळापत्रक नागरिकांना उपलब्ध होणार आहे.

Mumbai metro
POD Taxi : मुंबईत लवकरच सुरू होणार 'पॉड टॅक्सी', वाहतूक कोंडीचा प्रश्न सुटणार; कुठून कुठे धावणार?

नवीन मार्गिकांमुळे मुंबई मेट्रो नेटवर्क अधिक मजबूत होणार आहे. तसेच भविष्यात ३३७ किमीचे एकात्मिक मेट्रो जाळे उभारण्याचे उद्दिष्ट आहे. दोन्ही मार्गावर लांबच्या प्रवासासाठी २० रुपये मोजावे लागणार आहेत. तर जवळच्या प्रवासासाठी १० रुपये मोजावे लागणार आहेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com