मुंबईत बेस्ट कर्मचाऱ्यांनी ऐनवेळी संपाची हाक दिल्यानं मुंबईकराचे चांगलेच हाल सुरू आहेत. बेस्ट कर्मचारी बेमुदत संपावर गेल्यानं बससेवेचा पुरता बोजवारा उडालाय. मुंबईतल्या अनेक ठिकाणी प्रवाशांच्या लांबच लांब रांगा लागल्याचं चित्र पाहायला मिळालं. त्यामुळे सकाळी ऑफिसला जाण्यासाठी घराबाहेर पडलेल्या सर्वसामान्य मुंबईकरांना हक्काची बेस्ट बस नसल्यानं मनस्ताप सहन करावा लागलाय.
याच संपाचा गैरफायदा उचलण्यासाठी लुटारू रिक्षाचालक गिधाडासारखे टपून बसले आहेत. आणि त्यामुळेच मुंबईकरांची लूट या मुजोर रिक्षाचालकांनी सुरू केलीय. याचंच साम टीव्हीनं स्टिंग ऑपरेशन केलं असून यात या लुटारू रिक्षाचालकांच्या लुटीचा पर्दाफाश झालाय. २-३ किलोमीटरच्या अंतरासाठी हे रिक्षाचालक प्रवाशांकडून चक्क १५० ते २०० रुपये वसूल करत असल्याचं या साम टीव्हीच्या स्टिंगमध्ये बिंग फुटलंय.
पाहिलंत...अव्वाच्या सव्वा भाडं आकारणं, जवळचं भाडं नाकारणं... हे सगळं मुंबापुरीत अगदी राजरोस पणे सुरु आहे. तुम्हा आम्हा सगळ्यांना या मुजोर रिक्षाचालकांच्या मनमानी कारभाराला सामोरं जावं लागलंय. मात्र, प्रशासनाला याचं काही देणंघेणं नाहीये. त्यामुळे प्रवाशांना लुटणाऱ्या मुजोर रिक्षाचालकांवर प्रशासन कधी कारवाई करणार, हाच खरा प्रश्न आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.