मुंबईमध्ये राज ठाकरेंना शिवीगाळ; परप्रांतीयाने तोडले अकलेचे तारे, व्हिडिओ व्हायरल

RAJ THACKERAY ABUSE CASE : मुंबईमध्ये एका परप्रांतीय तरूणाने मनसे प्रमुख राज ठाकरे यांना शिवीगाळ केली. अर्वाच्य आणि खालच्या भाषेत त्याने राज ठाकरेंना शिवीगाळ केली. या घटनेचा व्हिडिओ समोर आला आहे. दारूच्या नशेत परप्रांतीय तरूणाने राज ठाकरेंना आई-बहिणीवर शिवीगाळ केल्याचा व्हिडिओ सोशल मीडियावर व्हायरल झाला आहे. शिविगाळ कऱणारा तरूण अंधोरी पूर्वमध्ये राहणारा असल्याचे समोर आले आहे. व्हिडिओ सोशल मीडियावर व्हायरल झाल्यानंतर मनसेकडून प्रचंड संताप व्यक्त करण्यात आला आहे. मनसे आक्रमक झाली असून त्या परप्रांतियाला धडा शिकवणार असल्याचे इशारा दिला आहे.

मुंबईच्या अंधेरी पूर्वेत परप्रांतीय तरूणाकडून मनसे पक्षप्रमुख राज ठाकरे यांना शिवीगाळ करण्यात आली आहे. दारूचे नशेत मनसे पक्षप्रमुख राज ठाकरे यांना आई-बहिणीवर शिवीगाळ केली. शिवीगाळ केल्याच्या व्हिडिओ सोशल मीडियावर तुफान व्हायरल झाला आहे. राज ठाकरेंना शिवीगाळ करणारा मुजोर तरूण अंधेरी पूर्वत महाकाली रोडवर सुंदर नगर परिसरात राहतो. त्याचे नाव सुजित दुबे असे आहे.

राज ठाकरेंना शिवीगाळ केल्याचा व्हिडिओ व्हायरल झाल्यानंतर अंधेरीत मनसे कार्यकर्ते आणि पदाधिकारी आक्रमक झाले आहेत. व्हायरल व्हिडिओचा दाखल घेत एमआयडीसी पोलिसात धाव घेतली. पोलिसांनी तात्काळ शिवीगाळ करणाऱ्या परप्रांतीय दुबेला ताब्यात घेऊन त्याच्याविरोधात गुन्हा दाखल करून अटक केली आहे.

मनसे कार्यकर्त्यांनी एमआयडीसी पोलिसांना भेटून आरोपी विरोधात कठोर कारवाई करण्याची मागणी केली. त्यासोबत शिवीगाळ करणारा आरोपीचे तीन अनाधिकृत धंद्यावर देखील कारवाई करण्याची केली मागणी. जर एमआयडीसी पोलिसांकडून शिवीगाळ करणारा आरोपी विरोधात कठोर कारवाई केली गेली नाही तर पोलीस स्टेशन बाहेर आंदोलन करण्याचे मनसेकडून इशारा देण्यात आला आहे.