Mumbai News : मुंबईत इमारतीच्या २३ व्या मजल्यावरून लिफ्ट कोसळली; एका कामगाराचा मृत्यू

Mumbai News : मुंबईतून धक्कादायक घटना समोर आली आहे. मुंबईतील विक्रोळीच्या एका इमारतीच्या पार्किंगची लिप्ट २३ व्या मजल्यावरून कोसळल्याची दुर्घटना घडली आहे. या घटनेने इमारत परिसरात खळबळ उडाली आहे. या दुर्घटनेनंतर अग्निशमन दल आणि पोलीस पोहोचले आहेत. अग्निशमन दलाच्या जवानांकडून लिफ्टमध्ये अडकलेल्यांसाठी बचाव कार्य सुरू आहे. (Latest Marathi News)

मिळालेल्या माहितीनुसार, मुंबईतील विक्रोळीच्या श्री सिद्धिविनायक को-ऑपरेटिव्ह इमारतीमध्ये पार्किंगची लिफ्ट २३ व्या मजल्यावरून कोसळून दुर्घटना घडली आहे. या दुर्घटनेमध्ये काही कामगार अडकल्याची भीती व्यक्त केली जात आहे. तर या दुर्घटनेत एका कामगाराचा मृत्यू झाल्याची माहिती समोर आली आहे. या दुर्घटनेनंतर परिसरात एकच खळबळ उडाली.

इमारतीच्या पार्किंगच्या २३ व्या मजल्यावरून लिफ्ट कोसळल्यानंतर घटनास्थळी अग्निशमन दल आणि पोलीस पोहोचले आहेत. घटनास्थळी अग्नीशमन दलाने बचाव कार्याला सुरुवात करण्यात आली आहे. काही वेळापूर्वी दोन कामगारांना बाहेर काढण्यात आलं. अद्यापही काही कामगार हे या लिफ्टमध्ये अडकलेले आहेत. 23 मजल्यांची ही इमारत आहे.