रांजणगाव औद्योगिक वसाहतीत भरवस्तीत महावितरणच्या रोहित्राचा स्फोट...

पुणे - रांजणगाव औद्योगिक वसाहत असलेल्या सणसवाडीतील वसेवाडी लोकवस्तीत महावितरणच्या विद्युत रोहित्राचा रात्रीच्या सुमारास अचानक स्फोट झाल्याची धक्कादायक घटना घडली आहे. सुदैवाने जीवितहानी टळली मात्र रोहित्राच्या झालेल्या स्पोटमुळे नागरिकांमध्ये घबराटीचे वातावरण पसरले आहे.

हे देखील पहा -

सणसवाडीतील भरवस्तीत असलेल्या या विद्युत रोहित्राचा अचानक स्फोट झाल्याने या परिसरात लावलेल्या दुचाकी आणि कारचेही नुकसान झाले परंतु सुदैवाने जवळच खेळणाऱ्या लहान मुलांना कुठली इजा झाली नाही. भरवस्तीतील विद्युत रोहित्र हे दुसरीकडे हलवावे या यासाठी स्थानिक नागरिकांकडून गेली अनेक दिवसांपासून महावितरणाशी पत्रव्यवहार सुरू होता.

परंतु महावितरणाने या कडे दुर्लक्ष केल्याने आणि महावितरणाच्या हलगर्जीपणामुळे ही दुर्घटना घडल्याचे स्थानिक नागरिक सांगत असून येत्या काळात विद्युत रोहित्र भर वस्तीतून दुसरीकडे न हलविल्यास तीव्र आंदोलन छेडण्याचा इशारा स्थानिक नागरिकांनी दिला आहे.

Edited By - Shivani Tichkule