Political News: घाटकोपरमध्ये मनसेला मोठं खिंडार, मोठ्या संख्येने कार्यकर्त्यांनी केलं ठाकरे गटात प्रवेश

>> गिरीश कांबळे

Mns Party Workers Join Shiv Sena Thackeray Group:

महाराष्ट्र नवनिर्माण सेनाला मुंबईमधील घाटकोपरमध्ये मोठं खिंडार पडलं आहे. मोठ्या संख्येने मनसे कार्यकर्त्यांनी शिवसेना ठाकरे गटात प्रवेश केला आहे.

घाटकोपर भागातील मनसेचे माजी विभाग अध्यक्ष रविंद्र कोठावदे यांनी मातोश्रीवर उद्धव ठाकरे यांच्या उपस्थित हा पक्षप्रवेश केला आहे.

पक्षप्रवेश करताना रविंद्र कोठावदे म्हणाले आहेत की, ''माझा राग मनसेवर किंवा कोणावर नाही. मी आज उद्धव ठाकरे यांना पाठिंबा देतोय. एक वर्षांपूर्वी माझी आणि उद्धव ठाकरे यांची भेट झाली होती. तेव्हापासून पक्ष प्रवेशबद्दल चर्चा सुरू होती आणि आज मी पक्षप्रवेश केला. (Latest Marathi News)

वसई-विरारमध्ये मनसेत फूट

याआधी याच वर्षात मे महिन्यात वसई-विरारमध्ये मनसेला मोठं खिंडार पडलं होतं. वसई - विरार महानगर, भोईसर विधानसभा क्षेत्रातील मनसे आणि इतर पक्षातील कार्यकर्ते शिवसेना ठाकरे गटात पक्षात प्रवेश केला होता.

कल्याणमध्येही कार्यकर्त्यांनी सोडली राज ठाकरेंची साथ

यातच एप्रिल 2023 मध्येही कल्याणमध्ये मोठ्या संख्येने कार्यकर्त्यांनी राज ठाकरे यांची साथ सोडून ठाकरे गटात सामील झाले होते. राज ठाकरे हे सातत्याने मुस्लिम विरोधी भूमिका घेत असल्याचं सांगत मनसेचे ज्येष्ठ पदाधिकारी इरफान शेख यांनी मोठ्या संख्येने पक्षाला रामराम ठोकला होता.