मिस पिंपरी-चिंचवड स्पर्धेच्या मानकरी महिलेने केली आत्महत्या

पुणे: सांगवी (Pune-sangvi) भागातील मधुबन सोसायटी मधील राहत्या घरात विशाखा सोनकांबळे यांनी गळफास घेत आत्महत्या केली आहे. विशाखा सोनकांबळे (Vishakha Sonkamble) ह्या योगा प्रशिक्षक देखील होत्या, तसेच त्या मिस पिंपरी -चिंचवड (Miss Pimpri Chinchwad) स्पर्धेच्या मानकरी देखील ठरल्या होत्या, त्यामुळे विशाखाने आत्महत्या करण्यासारखा टोकाचं पाऊल उचलल्याने पिंपरी -चिंचवड शहरामध्ये हळहळ व्यक्त करण्यात येत आहे.

विशाखा आपला पती दीपक सोनकांबळे आणि दोन मुलासह मधूबन सोसायटी मध्ये राहत होत्या. काल रात्री विशाखाचे पती आपल्या मुलांन सोबत हॉल मध्ये झोपले होते आणि विशाखा आत मध्ये रूममध्ये झोपून होती. त्या दरम्यान विशाखाने अगोदर हाताची नस कापून नंतर गळफास घेतला आहे. विशाखा ने आत्महत्या का केली हे अजून मात्र समजू शकल नाही. मात्र सांगवी पोलिसांनी विशाखा सोनकांबळे आत्महत्या संदर्भात आकस्मिक मृत्यूचा गुन्हा दाखल केला आहे.

Edited By: Pravin Dhamale